Gujarat Election 2022: રાહુલ ગાંધી ભારત જોડો યાત્રામાંથી બ્રેક લઇ ગુજરાતમાં પ્રચાર માટે આવશે
હિમાચલની ચૂંટણીમાં પાર્ટી કાર્યકર્તાઓએ રાહુલ ગાંધીને (Rahul Gandhi) પ્રચાર માટે રાજ્ય પહોંચવાની પણ માંગ કરી હતી, પરંતુ આ દરમિયાન પણ તેમણે પોતાની કૂચ ચાલુ રાખી હતી. હિમાચલમાં ચૂંટણી પૂર્ણ થતાં કોંગ્રેસ ગુજરાત પર ધ્યાન કેન્દ્રિત કરી રહી છે.
ગુજરાત એસેમ્બલી ઇલેકશન 2022 :કોંગ્રેસ નેતા રાહુલ ગાંધી 22 નવેમ્બરે ગુજરાતની મુલાકાતે આવશે, જ્યાં તેઓ પાર્ટી માટે પ્રચાર કરશે. ભારત જોડો યાત્રાના વિરામ દરમિયાન રાહુલ ગુજરાતની મુલાકાત લેશે. 12 નવેમ્બરના રોજ યોજાનારી હિમાચલ પ્રદેશ વિધાનસભા ચૂંટણીના પ્રચારમાં ભાગ ન લેવા બદલ કોંગ્રેસના પૂર્વ અધ્યક્ષને ભાજપ તરફથી ટીકાનો સામનો કરવો પડ્યો હતો. હિમાચલ ચૂંટણીમાં પાર્ટી કાર્યકર્તાઓએ રાહુલ ગાંધીને પ્રચાર માટે રાજ્ય પહોંચવાની પણ માંગ કરી હતી, પરંતુ આ દરમિયાન પણ તેમણે પોતાની કૂચ ચાલુ રાખી હતી. હિમાચલમાં ચૂંટણી પૂર્ણ થતાં કોંગ્રેસ ગુજરાત પર ધ્યાન કેન્દ્રિત કરી રહી છે.
ભાજપના વરિષ્ઠ નેતા રવિશંકર પ્રસાદે રાહુલ પર હારના ડરથી પ્રચારથી દૂર રહેવા અને જવાબદારી ન લેવાનો આરોપ લગાવ્યો. મીડિયા રિપોર્ટ્સ અનુસાર, શિમલામાં એક રેલીને સંબોધિત કરતા રવિશંકર પ્રસાદે પૂછ્યું હતું કે, “રાહુલ ગાંધી ક્યાં છે, ક્યાં ગાયબ છે? તે પ્રવાસ પર છે, પણ હિમાચલ પ્રત્યે આટલી ઉદાસીનતા શા માટે?” એવું માનવામાં આવે છે કે આ પ્રશ્નોના કારણે પાર્ટી નેતૃત્વએ રાહુલ ગાંધીને પ્રચાર માટે ગુજરાત જવા વિનંતી કરી છે. આગામી થોડા અઠવાડિયામાં, ચૂંટણી-બાઉન્ડ રાજ્યમાં પક્ષના અગ્રણી નેતાઓ દ્વારા ઘણી પ્રચાર રેલીઓનું આયોજન કરવામાં આવ્યું છે. દરમિયાન, રાહુલ ગાંધી માટે 22 નવેમ્બરનું શિડ્યુલ નક્કી કરવામાં આવ્યું છે, પરંતુ તેમની રેલીઓ ક્યાં યોજાશે તે હજુ સ્પષ્ટ નથી.
ગુજરાત ઇલેકશન 2022 : ગુજરાત ચૂંટણી માટે કોંગ્રેસે 142 નામોની જાહેરાત કરી
ગુજરાત ચૂંટણી માટે કોંગ્રેસે તેના ઉમેદવારોની છઠ્ઠી યાદી જાહેર કરી છે. તાજેતરની યાદી જાહેર થતાં, પાર્ટીએ ગુજરાત ચૂંટણી માટે કુલ 142 ઉમેદવારોના નામની જાહેરાત કરી છે. કોંગ્રેસે 4 નવેમ્બરે તેની પ્રથમ યાદી જાહેર કરી હતી, જેમાં 43 ઉમેદવારોના નામ હતા. 46 ઉમેદવારોની બીજી યાદી 10 નવેમ્બરે જાહેર કરવામાં આવી હતી. આ પછી શુક્રવારે સાત ઉમેદવારોની યાદી બહાર પાડવામાં આવી હતી.
બીજી તરફ રવિવારે 6 ઉમેદવારોની યાદી અને 33 ઉમેદવારોની યાદી બહાર પાડવામાં આવી હતી. કોંગ્રેસે છઠ્ઠી યાદીમાં ગુજરાતના અગ્રણી દલિત નેતા અને વડગામના ધારાસભ્ય જીજ્ઞેશ મેવાણીને વડગામથી જ મેદાનમાં ઉતાર્યા છે. જીગ્નેશ મેવાણીએ ગત ચૂંટણીમાં કોંગ્રેસના સમર્થનથી 18 હજાર મતોથી જોરદાર વિજય મેળવ્યો હતો. જીગ્નેશ મેવાણી ગુજરાત કોંગ્રેસના કાર્યકારી અધ્યક્ષ છે.
