NIRF Top College Ranking : શિક્ષણ મંત્રાલય દ્વારા દેશની ટોપ સંસ્થાઓની યાદી બહાર પાડવામાં આવી છે. જો તમે એડમિશન લેવા જઈ રહ્યા છો તો ચોક્કસ NIRF રેન્કિંગ 2023 જુઓ. NIRF રેન્કિંગમાં દિલ્હીની કોલેજોનું વર્ચસ્વ છે. સંખ્યાની દ્રષ્ટિએ તમિલનાડુ રાજ્ય ટોચ પર છે, પરંતુ જો આપણે ઘણા શહેરોની વાત કરીએ તો દિલ્હીની કોલેજો સૌથી આગળ છે. ઉત્તર પ્રદેશ, બિહાર, મધ્યપ્રદેશ, રાજસ્થાનની કોઈપણ કોલેજ ટોપ 100માં સ્થાન મેળવવામાં ફેલ રહી છે.
આ પણ વાંચો : NIRF Ranking 2023 Top Dental College List : દાંત માટે કરવો છે અભ્યાસ તો જુઓ ભારતની ટોપ 10 Dental Collegeની યાદી
દક્ષિણ ભારતીય રાજ્યોની કોલેજો આ રેન્કિંગમાં શ્રેષ્ઠ સ્થાન મેળવવામાં સફળ રહી છે. તમિલનાડુ, કેરળએ તેમની શૈક્ષણિક ગુણવત્તા જાળવી રાખી છે. ચાલો ટોપ કોલેજોની યાદી પર એક નજર કરીએ.
દિલ્હીની મિરિંડા હાઉસ અને હિન્દુ કોલેજ અનુક્રમે પ્રથમ અને બીજા ક્રમે છે. ચેન્નાઈની પ્રેસિડેન્સી કોલેજ ત્રીજા સ્થાને છે. 2022માં પણ આ ત્રણ કોલેજો અનુક્રમે પ્રથમ, બીજા અને ત્રીજા સ્થાને રહી હતી. મતલબ કે આ ત્રણેય સંસ્થાઓએ પોતાનું સ્થાન જાળવી રાખ્યું છે. કોઈમ્બતુરની કોલેજે આ વખતે ચોથું સ્થાન મેળવ્યું છે, જ્યારે 2022માં ચેન્નાઈની લોયોલા કોલેજ ચોથા સ્થાને હતી, જે આ વખતે સાતમા સ્થાને છે.
દિલ્હીની લેડી શ્રી રામ કોલેજ પાંચમા નંબરથી નવમા નંબર પર આવી ગઈ છે, જ્યારે સેન્ટ ઝેવિયર્સ કોલેજ કોલકાતાએ 2023 રેન્કમાં પાંચમા નંબર પર કબજો કર્યો છે. ટોપ 20માં દિલ્હીની 10, તમિલનાડુની 6, પશ્ચિમ બંગાળની 4 કોલેજો પોતાનો રેન્ક મેળવવામાં સફળ રહી છે.
દિલ્હીની 32 અને તમિલનાડુની 35 કોલેજો ટોપ 100માં સ્થાન મેળવવામાં સફળ રહી છે. ઉત્તર પ્રદેશ, મધ્યપ્રદેશ, રાજસ્થાન, બિહાર, ઝારખંડની કોઈપણ કોલેજ ટોપ 100માં સ્થાન મેળવી શકી નથી. ઉત્તર ભારતમાં દિલ્હી ઉપરાંત ચંદીગઢની સરકારી હોમ સાયન્સ કોલેજ ચોક્કસપણે 52મું સ્થાન મેળવવામાં સફળ રહી છે.
IC કોલેજ ઓફ હોમ સાયન્સ, હિસાર, હરિયાણા પણ 61મું સ્થાન મેળવવામાં સફળ રહી છે. કેરળ, પશ્ચિમ બંગાળે પણ સારું પ્રદર્શન કર્યું છે. કર્ણાટક, મહારાષ્ટ્ર, ગુજરાતની કેટલીક કોલેજોએ પણ ટોપ 100માં સ્થાન મેળવ્યું છે.
આપણે ઘણા શહેરોની વાત કરીએ તો ગુજરાત પણ કેમ પાછળ રહી શકે, તેને પણ આ ટોપ 100માં સ્થાન મેળવીને ડંકો વગાડ્યો છે. અમદાવાદ તેમજ ગાંધીનગરનો દબદબો રહ્યો છે. જુઓ Top Colleges in Gujarat based on NIRF Ranking 2023
આ રેન્કિંગ એક વાતની મજબૂત સાક્ષી આપે છે કે, યુપી-બિહારના યુવાનોની પહેલી પસંદ દિલ્હીની કોલેજો કેમ છે? આ વર્ષે CUETમાં દિલ્હી યુનિવર્સિટી સાથે જોડાયેલી કોલેજોની સૌથી વધુ માંગ છે. કારણ કે અહીંની કોલેજો ટોપ છે અને યુપી-બિહારમાં સારી કોલેજોની દૃષ્ટિએ નબળી છે. જો કોલેજો છે તો શિક્ષકો નથી તે પણ છે તો લેબ અને અન્ય સાધનો નથી.
Published On - 7:52 pm, Mon, 5 June 23