રાષ્ટ્રીય પરીક્ષા એજન્સી દ્વારા NEET UG 2024 સુધારણા વિન્ડો આજથી 18 માર્ચથી ખોલવામાં આવી છે. નોંધાયેલ ઉમેદવારો ઓફિશિયલ વેબસાઇટ exams.nta.ac.in/NEET/ ની મુલાકાત લઈને તેમના અરજી ફોર્મમાં સુધારો કરી શકે છે. NTA એ NEET UG માટે અરજી કરવાની છેલ્લી તારીખ 16 માર્ચ સુધી લંબાવી હતી. અગાઉ અરજી કરવાની છેલ્લી તારીખ 9 માર્ચ હતી. પરીક્ષા 5મી મે 2024ના રોજ યોજાવાની છે.
ઉમેદવારો 20મી માર્ચના રોજ બપોરે 11.50 વાગ્યે અથવા તે પહેલાં તેમના અરજી ફોર્મમાં સુધારો કરી શકે છે. ઉમેદવારોએ ધ્યાનમાં રાખવું જોઈએ કે, તેઓ છેલ્લી તારીખ પછી અરજીમાં સુધારો કરી શકશે નહીં. સુધારો કરનારા ઉમેદવારે NTA દ્વારા નિર્ધારિત ફી પણ ચૂકવવી પડશે. આ સંદર્ભમાં નેશનલ ટેસ્ટિંગ એજન્સીએ તેની ઓફિશિયલ વેબસાઇટ પર એક સૂચના જાહેર કરી છે, જે ઉમેદવારો ચકાસી શકે છે. ફી ક્રેડિટ/ડેબિટ કાર્ડ, નેટ બેન્કિંગ અથવા UPI દ્વારા જમા કરાવી શકાય છે.
ઉમેદવારો રજીસ્ટ્રેશન સમયે સબમિટ કરેલા મોબાઈલ નંબર અને ઈમેઈલમાં અને અપલોડ કરેલા ડોક્યુમેન્ટ્સમાં સુધારો કરી શકતા નથી. NTA સમગ્ર દેશમાં અને ભારતની બહારના 14 શહેરોમાં 5 મેના રોજ બપોરે 2 વાગ્યાથી 5:20 વાગ્યા સુધી NEET UG 2024નું આયોજન કરશે.
પરીક્ષા પેન અને પેપર (ઓફલાઇન) મોડમાં લેવામાં આવશે. NEET UG 2024 માટે નોંધણી પ્રક્રિયા 9 ફેબ્રુઆરી 2024થી શરૂ થશે. આના પર લગભગ 25 લાખ રેકોર્ડ નોંધણી પણ કરવામાં આવી છે. આવી સ્થિતિમાં આ વખતે ગયા વખત કરતા વધુ કટ ઓફ જાણવાની સંભાવના છે.