Maharashtra Board SSC 10th Result 2023 : મહારાષ્ટ્ર બોર્ડના ધોરણ 12માનું પરિણામ જાહેર થઈ ગયું છે અને હવે વિદ્યાર્થીઓ 10માના પરિણામની રાહ જોઈ રહ્યા છે. મહારાષ્ટ્ર બોર્ડ SSC પરિણામ મહારાષ્ટ્ર સ્ટેટ બોર્ડ ઑફ સેકન્ડરી એન્ડ હાયર સેકન્ડરી એજ્યુકેશન (MSBSHSE) દ્વારા ઓફિશિયલ વેબસાઇટ mahresult.nic.in પર જાહેર કરવામાં આવશે. પરિણામ જાહેર થયા બાદ વિદ્યાર્થીઓ રોલ નંબરની મદદથી માર્કશીટ ચેક કરી શકશે.
આ પણ વાંચો : NEET 2022નું રિઝલ્ટ જાહેર, ટોપ 10માં ગુજરાતનો વિધાર્થી સામેલ
આ વર્ષે મહારાષ્ટ્ર બોર્ડની 10મીની પરીક્ષામાં 15,77,256 વિદ્યાર્થીઓએ રજીસ્ટ્રેશન કરાવ્યું હતું. રાજ્યભરમાં 5033 કેન્દ્રો પર પરીક્ષા લેવામાં આવી હતી. આ વર્ષે મહારાષ્ટ્ર એસએસસીની પરીક્ષા 2 માર્ચથી 25 માર્ચ દરમિયાન યોજાઈ હતી. આવી સ્થિતિમાં પરિણામ ગમે ત્યારે જાહેર થઈ શકે છે. પરિણામ ચકાસવા માટે વેબસાઇટ્સની વિગતો અને ચેક કરવાની રીત નીચે જોઈ શકાય છે.
mahresult.nic.in
sscresult.mkcl.org
ssc.mahresults.org.in
mahahhscboard.in
મહારાષ્ટ્ર સ્ટેટ બોર્ડ ઓફ સેકન્ડરી એન્ડ હાયર સેકન્ડરી એજ્યુકેશન દ્વારા 25 મે 2023ના રોજ ધોરણ 12નું પરિણામ જાહેર કરવામાં આવ્યું હતું. આ વર્ષે મહારાષ્ટ્ર બોર્ડ HSCમાં કુલ 91.25 ટકા વિદ્યાર્થીઓ પાસ થયા છે. છોકરાઓ કરતા છોકરીઓની પાસ ટકાવારી સારી જોવા મળી છે. મહારાષ્ટ્ર બોર્ડ 12માં 93.73 ટકા છોકરીઓ પાસ થઈ છે, જ્યારે છોકરાઓનું પરિણામ 89.14 ટકા આવ્યું છે. વેબસાઈટ- mahresult.nic.in પરથી, વિદ્યાર્થીઓ માર્કશીટ ઓનલાઈન ડાઉનલોડ કરી શકે છે. મહારાષ્ટ્ર બોર્ડના 12માના વિદ્યાર્થીઓની મૂળ માર્કશીટ તેમની શાળામાંથી પ્રાપ્ત થશે.