સાયન્સ એક્ઝિબિશન વખતે રોકેટ મોડલમાં થયો બ્લાસ્ટ, 11 વિદ્યાર્થીઓની હાલત ગંભીર

ઝારખંડના પૂર્વ સિંહભૂમ જિલ્લાના ઘાટશિલા પેટાવિભાગમાં સ્થિત ઘાટશિલા કોલેજમાં વિજ્ઞાન પ્રદર્શન દરમિયાન સોમવારે વિસ્ફોટ થયો હતો. જેમાં ઓછામાં ઓછા 8 વિદ્યાર્થીઓ ઈજાગ્રસ્ત થયા હતા. તમામને પ્રાથમિક સારવાર માટે સબ ડિવિઝન હોસ્પિટલમાં લઈ જવામાં આવ્યા હતા. ત્યાં સારવાર બાદ પાંચ વિદ્યાર્થીઓને હોસ્પિટલમાંથી રજા આપવામાં આવી છે. જ્યારે કેટલાક વિદ્યાર્થીઓને એમજીએમ હોસ્પિટલમાં રીફર કરવામાં આવ્યા છે. ગંભીર રીતે ઘાયલોમાં નફીસ અખ્તર, કુલસુમ પરવીન અને ઉમે અચ્કાનો સમાવેશ થાય છે. જણાવી દઈએ કે, આ વિસ્ફોટ રોકેટનું મોડલ સેટ કરતી વખતે થયો હતો. આ ઘટના બાદ થોડીવાર માટે ઘટનાસ્થળે અફરા-તફરીનો માહોલ સર્જાયો હતો.

હકીકતમાં ઘાટશિલા કોલેજમાં વિજ્ઞાન પ્રદર્શન દરમિયાન ઈન્ટર ફિઝિક્સ વિભાગના વિદ્યાર્થીએ રોકેટ બનાવ્યું હતું. આ રોકેટમાં કેટલીક ટેકનિકલ ખામી હતી અને તેના કારણે રોકેટમાં વિસ્ફોટ થયો હતો. આ ઘટનામાં આસપાસ હાજર રહેલા વિદ્યાર્થીઓને ગંભીર ઈજા થઈ હતી.

ઉડવાને બદલે સળગે તે બટન દબાવ્યું

સ્કૂલ મેનેજમેન્ટના જણાવ્યા અનુસાર આ ત્રણ વિદ્યાર્થીઓ દ્વારા પ્રદર્શન માટે રોકેટનું એક મોડલ બનાવવામાં આવ્યું હતું, જેનું પહેલા સંપૂર્ણ પરીક્ષણ કરવામાં આવ્યું હતું. સફળ થયા બાદ તેને પ્રદર્શન માટે રાખવામાં આવ્યો હતો. મહેમાનો દ્વારા નિરીક્ષણ દરમિયાન વિદ્યાર્થીઓએ જણાવ્યું કે, આ રોકેટ પણ ઉડાન ભર્યા બાદ વિસ્ફોટ કરે છે. આ પછી તેને ખુલ્લી જગ્યામાં ઉડાડવાની તૈયારી ચાલી રહી હતી. તે જ સમયે, ઉડવાને બદલે, અન્ય બાળકે વિસ્ફોટ કરવા માટે બટન દબાવ્યું. જેના કારણે રોકેટ જમીન પર જ વિસ્ફોટ થયો હતો. નજીકમાં ઉભેલા બાળકો તેની સાથે અથડાયા જેના કારણે તેઓ ઈજાગ્રસ્ત થયા હતા.

તમામની બાળકોની સ્થિતિ સામાન્ય

આ રોકેટ મોડેલ બનાવવા માટે પોટેશિયમ, નાઈટ્રેટ અને ખાંડનો ઉપયોગ કરવામાં આવ્યો હતો. તેની તમામ સામગ્રી પીવીસીની હતી. તેનું વજન લગભગ બે કિલો હતું. શિક્ષકોએ જણાવ્યું કે, લગભગ તમામ બાળકો નર્વસ છે, પરંતુ તમામની સ્થિતિ સામાન્ય છે. ઈજાગ્રસ્ત વિદ્યાર્થીઓમાં મુખ્યત્વે સૌરભ નામાતા, રાહુલ કૈવર્ત, સુનીલ મહતો, અમન કુમાર ઝા, આરતી હેંબ્રમ, સુદીપ શાહ, અભિ અખ્તર, કુલસુમ પરવીનનો સમાવેશ થાય છે.