Agriculture: ખેડૂતોએ શાકભાજીના પાકમાં રોગ-જીવાતના નિયંત્રણની સાથે આ ખેતી કાર્યો કરવા જોઈએ
ખેડૂતોએ જે પાકનું વાવેતર કરેલું છે, તેમાં સમયાંતરે જુદા-જુદા ખેતી કાર્યો કરવાના રહે છે. ખેડૂતો પાકમાં કયા કાર્યો કરવા તે અંગેનું આગોતરું આયોજન કરશે, તો તે ગુણવત્તાયુક્ત અને વધારે ઉત્પાદન મેળવી શકશે.
ખરીફ સિઝનમાં ખેડૂતો (Farmers) જુદા-જુદા પાકનું વાવેતર કરે છે. નવી વાવણી કરતા પહેલા જમીનની તૈયારીથી લઈને બિયારણની પસંદગી તેમજ તેની માવજત વગેરે માટે ખેડૂતોએ આયોજન કરવું જોઈએ. આ ઉપરાંત ખેડૂતોએ જે પાકનું વાવેતર કરેલું છે, તેમાં સમયાંતરે જુદા-જુદા ખેતી કાર્યો કરવાના રહે છે. જેથી ગુણવત્તાયુક્ત અને વધારે ઉત્પાદન મેળવી શકાય. ચાલો જાણીએ કે શાકભાજીના પાકમાં (Vegetables Crop) રોગ-જીવાતના નિયંત્રણની સાથે ખેડૂતોએ કયા ખેતી કાર્યો કરવા જોઈએ.
શાકભાજીના પાકમાં રોગ-જીવાતનું નિયંત્રણ અને ખેતી કાર્યો
મરચી – ધરૂની ફેરરોપણી વખતે ધરુંના મૂળને ઈમિડાકલોપ્રીડ ૨-૩ મિ.લી. અથવા થાયામેથોકઝામ ૪ ગ્રામ /૧૦ લીટર પાણીમાં ઉમેરી બનાવેલ દ્રાવણમાં ૨ કલાક બોળી રાખ્યા બાદ રોપવાથી શરૂઆતની અવસ્થામાં ચુસીયા પ્રકારની જીવાતો સામે રક્ષણ મળશે.
ટમેટા – ટમેટામાં ભલામણ કરેલ ૭૫+૩૭.૫+૬૨.૫ ના.ફો.પો. તત્વો સિવાય સુક્ષ્મ તત્વો પણ આપવા અથવા મલ્ટી માઈક્રોન્યુટ્રીયન્ટ ૧ ટકા દ્રાવણનો છંટકાવ ૪૫, ૬૦ અને ૭૫ દિવસે કરવાથી વધુ ઉત્પાદન મળે.
રીગણી – રીગણીનાં ફળ અને ડુંખ કોરી ખાનાર ઇયળનાં નિયંત્રણ માટે એમામેકટીન બેન્મોએટ ૫ ગ્રામ / ૧૦ લી. પાણીમાં નાખી છંટકાવ કરવો બીજો ૧૫ દિવસ બાદ કરવો.
ભીંડો- રાસાયણિક ખાતર ૧૫૦+૫૦+૫૦ ના.ફો.પો. ઉપરાંત મલ્ટીમાઈક્રોન્યુટ્રીયન્ટનો છંટકાવ કરવો. ભીંડાના બીજને ઈમીડાકલોપ્રીડની માવજત આપવી. પીળી નસનો રોગ નિયંત્રણ માટે ગુજરાત આણંદ ભીંડા ૫ નું વાવતેર કરવું. શરુઆતમાં રોગીષ્ઠ છોડ દેખાય કે તરત ઉપાડી તેનો નાશ કરવો. રોગનો ફેલાવો રોકવા ટોલફેનપાયરાડ ૧૫ ઈસી ૦ મિ.લી. અથવા ફેનપ્રોપેથ્રીન ૩૦ ઈસી ૩.૪ મિ.લી. ૧૦ લીટર પાણીમાં ભેળવી છંટકાવ કરવો.
આ પણ વાંચો : Sandalwood Farming: લાલ ચંદનથી થશે બમ્પર કમાણી, તેની ખેતી શરૂ કર્યા પછી થોડા વર્ષોમાં ખેડૂત બની જશે કરોડપતિ
ઘાસચારો – આણંદ ઘાંસચારા જુવાર-૧૨ નું વાવેતર કરો અને બહુ કાપણી વાળી જુવારની સીઓ એફ એસ-૨૯ નું વાવેતર કરો. ગુજરાત મારવેલ-૧ જીંજવો વાવો. ઘાસચારા માટે સૂર્યમુખી સુર્યાનું વાવેતર કરો.
મકાઈ – ગંગા સફેદ-૨, ફાર્મ સમેરી, આફ્રિકન ટોલ, ગુજરાત મકાઈ -૧, ૨, ૩, ૪ વાવો. તેમને બીજ માવજતમાં એઝેટોબેકટર અથવા સ્પિરીયલ કલ્ચર ૪ કિલો. બીજ દીઠ ૨૦૦ ગ્રામની માવજત આપવી.
માહિતી સ્ત્રોત: વિસ્તરણ શિક્ષણ નિયામકની કચેરી, જુનાગઢ કૃષિ યુનિવર્સીટી
