Vadodara : નોકરી આપવાના બહાને 29 વર્ષીય નાગાલેન્ડની યુવતી પર સ્પા માલિકે આચર્યું દુષ્કર્મ
નાગાલેન્ડના એક આર્મીમેનની યુવાન દીકરી પર સ્પા સેન્ટરના માલિકે બે વાર બળાત્કાર ગુજાર્યો હોવાની ઘટના સામે આવી છે. આ અંગે ફરિયાદ નોંધાયા બાદ સયાજીગંજ પોલીસે બળાત્કારના આરોપી સ્પા સેન્ટરના મલિક અને તેને આ પાપમાં સહયોગ આપનાર બે મેનેજરની ધરપકડ કરી છે.
Vadodara : સુરતથી રોજી રોટી મેળવવાના આશયથી વડોદરાના અલકાપુરીમાં આવેલ સ્પામાં પોતાના મંગેતરની મદદથી નોકરી મેળવનાર નાગાલેન્ડના એક આર્મીમેનની યુવાન દીકરી પર સ્પા સેન્ટરના માલિકે બે વાર બળાત્કાર ગુજાર્યો હોવાની ઘટના સામે આવી છે. આ અંગે ફરિયાદ નોંધાયા બાદ સયાજીગંજ પોલીસે બળાત્કારના આરોપી સ્પા સેન્ટરના મલિક અને તેને આ પાપમાં સહયોગ આપનાર બે મેનેજરની ધરપકડ કરી છે.
નાગાલેન્ડના ફેક જિલ્લાની મૂળ રહેવાસી 29 વર્ષીય યુવતીના પિતા ઇન્ડિયન આર્મીમાં નોકરી કરે છે અને તેના માતા ઘર કામ કરી બે ભાઈ અને ત્રણ બહેનોનું ગુજરાન ચલાવે છે, ધોરણ 12 સુધીનો અભ્યાસ કરેલ આ યુવતી છેલ્લા કેટલાક સમયથી સુરતના પાંડેસરામાં રહેતી હતી.
વડોદરાના અલકાપુરીમાં આવેલ થાઈ સ્પામાં નોકરીની જગ્યાની જાહેરાત જોઈ યુવતીનો મંગેતર સુરતથી તેણીને વડોદરા લાવ્યો હતો અને કિંગ થાઈ સ્પાના માલિક પૃથ્વી રાજસિંહ રાણાએ યુવતીને તેનું કામ જોઈ પગાર આપવાનું કહ્યું હતું અને રહેવા માટે સ્પા સેન્ટરનો એક રૂમ ફાળવી દીધો હતો, યુવતી નોકરી કરવા સંમત થઈ અને ફિયાન્સ પરત સુરત ચાલ્યો ગયો હતો.
સ્પા માલિકે યુવતી પર દુષ્કર્મ આચર્યું
આ સમગ્ર મામલે વધુ માહિતી આપતા એ ડિવિઝન એસીપી ડી જે ચાવડાએ જણાવ્યું કે ગત 3જી ઓક્ટોબરની રાત્રે 1 વાગ્યે યુવતી સ્પા બંધ કરી તેના રૂમમાં પહોંચી અને મેનેજર વિજયને જમવાનું મોકલવા જણાવતા થોડી વારમાં મેનેજર વિજય સોલંકી, બીજો મેનેજર મિત પરમાર અને સ્પા માલિક પૃથ્વી રાણા રૂમ નં.3માં આવ્યા હતા. પૃથ્વીએ યુવતીને પકડી મારી નાખવાની ધમકી આપી જમીન પર પછાડી હતી અને બંને મેનેજર રૂમ બંધ કરી જતા રહ્યા હતા.
ત્યાર બાદ પૃથ્વી રાણાએ તેને હવસનો શિકાર બનાવી હતી, એટલું જ નહીં ત્યાર બાદ રૂમ નં.5માં લઇ જઇ બીજી વાર પણ બળાત્કાર ગુજાર્યો હતો. આ ઘટનાથી યુવતી હતપ્રભ બની થઈ ગઈ હતી અને તેને તરત જ તેના મંગેતરને તેની સાથે બનેલ ઘટના અંગે જાણ કરી હતી. ત્યાર બાદ આ અંગે સયાજીગંજ પોલીસ મથકે ફરિયાદ નોંધાવી હતી.
પોલીસે ત્રણેય નરાધમોને ઝડપી પાડ્યા
સયાજીગંજ પોલીસે ત્રણેય વિરુદ્ધ ગુનો નોંધી સ્પા માલિક સહિત ત્રણેયને રાતોરાત ઝડપી પાડી યુવતીને તબીબી પરીક્ષણ માટે હોસ્પિટલ મોકલી છે, મુખ્ય આરોપી સ્પા મલિકનું પણ તબીબી પરીક્ષણ કરાવવામાં આવશે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 11:59 pm, Tue, 3 October 23