રાજસ્થાનના (Rajasthan)ઉદયપુરમાં (Udaipur)એક દરજીની તેની દુકાનમાં દિવસે દિવસે હત્યા (Murder) કરવામાં આવી હતી. ભાજપના સસ્પેન્ડ પ્રવક્તા નુપુર શર્મા દ્વારા કરવામાં આવેલી વિવાદાસ્પદ ટિપ્પણી માટે દરજીએ સોશિયલ મીડિયા પર પ્રોફેટ મોહમ્મદનું સમર્થન કર્યું હતું. હુમલાખોરો કપડાનું માપ આપવા માટે તેની દુકાનમાં ઘૂસ્યા હતા અને તેના પર છરી વડે અનેક વાર કર્યા હતા, જેના પછી ટેલરનું મોત થયું હતું. ઘટનાના એક વીડિયોમાં આરોપીએ હત્યાની જવાબદારી સ્વીકારી છે. આ ઘટનામાં સામેલ એક હત્યારા રિયાઝ મોહમ્મદે ટેલરની હત્યાના 11 દિવસ પહેલા એક ધમકીભર્યો વીડિયો પણ અપલોડ કર્યો હતો, જે હવે વાયરલ થઈ રહ્યો છે.
વીડિયોમાં રિયાઝ કહી રહ્યો છે કે, “હું આ વીડિયો જુમના દિવસે બનાવી રહ્યો છું. આજે 17મી તારીખ છે. હું આ વીડિયો તે દિવસે વાયરલ કરીશ જ્યારે હું પયગંબર મુહમ્મદની ગરિમામાં નિંદા કરનાર વ્યક્તિનું શિરચ્છેદ કરીશ. હું તમને એક સંદેશ આપું કે રિયાઝે શિરચ્છેદ કરવાનું શરૂ કરી દીધું છે. હવે બાકીના જેઓ બચ્યા છે તેનો તમારે શિરચ્છેદ કરવો પડશે.
હત્યારાઓ હેલ્મેટ પહેરીને ભાગવાનો પ્રયાસ કરી રહ્યા હતા
આ ઘટનાના થોડા જ કલાકોમાં પોલીસે બંને આરોપીઓની રાજસમંદ જિલ્લાના ભીમ વિસ્તારમાંથી ધરપકડ કરી હતી. ધરપકડ કરાયેલા આરોપીઓની ઓળખ ઉદયપુરના સૂરજપોલ વિસ્તારના રહેવાસી ગોસ મોહમ્મદ પુત્ર રફીક મોહમ્મદ અને અબ્દુલ જબ્બરના પુત્ર રિયાઝ મોહમ્મદ તરીકે થઈ છે. પોલીસે જણાવ્યું હતું કે બંને આરોપીઓ મોટરસાઇકલ પર હેલ્મેટ પહેરીને ભાગવાનો પ્રયાસ કરી રહ્યા હતા, પરંતુ ભીમા વિસ્તારમાં નાકાબંધી દરમિયાન પકડાઈ ગયા હતા.
છેલ્લા 10 દિવસથી જાનથી મારી નાખવાની ધમકીઓ મળી રહી હતી
મૃતકની ઓળખ રાજસમંદ જિલ્લાના ભીમા નગરના રહેવાસી કન્હૈયાલાલ તેલી તરીકે થઈ છે, જે ઉદયપુરમાં સિલાઈની દુકાન ચલાવતો હતો. કન્હૈયાલાલની ઉંમર 40 વર્ષની હતી. દસ દિવસ પહેલા કન્હૈયાલાલના પુત્રએ ભૂલથી ફેસબુક સ્ટેટસ પર નુપુર શર્માની તરફેણમાં એક વીડિયો અપલોડ કર્યો હતો. ત્યારથી ચોક્કસ સમુદાયના લોકો તેને જાનથી મારી નાખવાની ધમકી આપી રહ્યા હતા. કન્હૈયાલાલની હત્યા બાદ ઉદયપુરના ઘણા વિસ્તારોમાં કર્ફ્યુ અને કલમ 144 લગાવી દેવામાં આવી છે.
– Vasundhara Raje (@vasundhara_raje) 28 June 2022
Published On - 6:45 am, Wed, 29 June 22