મુંબઈમાં 1500 રૂપિયામાં કોરોના વેક્સિનેશનના ફેક સર્ટિફિકેટ કૌભાંડનો પર્દાફાશ, 2 આરોપીની ધરપકડ
Fake vaccination certificate gang busted in Mumbai: મુંબઈમાં કેટલાક લોકો કોરોના રસીકરણના નકલી પ્રમાણપત્રો બનાવી રહ્યા હતા. ક્રાઈમ બ્રાન્ચની ટીમે આવી જ એક ગેંગનો પર્દાફાશ કર્યો છે અને ગોરેગાંવ વિસ્તારમાંથી 2 લોકોની ધરપકડ કરી છે.
Mumbai: મુંબઈ ક્રાઈમ બ્રાન્ચે (Mumbai Crime Branch) કોરોના વેક્સિનેશન (Corona Vaccination) ના નકલી પ્રમાણપત્રો બનાવતી ગેંગનો પર્દાફાશ કર્યો છે. ગોરેગાંવ વિસ્તારમાં એક મોટું ઓપરેશન હાથ ધરીને ક્રાઈમ બ્રાન્ચની ટીમે બે આરોપીઓની ધરપકડ કરી છે. ઉચ્ચ અધિકારીઓ પાસેથી પ્રાપ્ત માહિતી અનુસાર, આ ટોળકી રસીના બંને ડોઝના નકલી પ્રમાણપત્રો (Fake Certificate) આપતી હતી જેમણે રસી લીધી નથી અને તેમને ફેક સર્ટીના બદલામાં તેમની પાસેથી 1500 રૂપિયા વસૂલતી હતી. ટોળકીનો પર્દાફાશ થયા બાદ ક્રાઈમ બ્રાંચની ટીમ સમગ્ર કેસની તપાસમાં લાગી ગઈ છે.
મુંબઈ ક્રાઈમ બ્રાન્ચના ટોચના અધિકારીઓના જણાવ્યા અનુસાર, તેમને ગોપનીય સૂત્રો પાસેથી માહિતી મળી હતી કે ગોરેગાંવ પશ્ચિમ વિસ્તારમાં કેટલાક યુવકો કોરોના રસીના બંને ડોઝના નકલી પ્રમાણપત્રો બનાવવાનું કામ કરી રહ્યા છે. આ ટોળકી કોરોના રસીના બંને ડોઝના નકલી પ્રમાણપત્રો બનાવવાના નામે લોકોને છેતરતી હતી. આ સુરાગ મળતાં જ ક્રાઈમ બ્રાન્ચની ટીમે BMCની ટીમ સાથે ગોરેગાંવ વિસ્તારમાં દરોડો પાડ્યો હતો અને ત્યાંથી બે આરોપીઓની ધરપકડ કરી હતી.
Fake vaccination certificate gang busted in Goregaon, 2 arrested. They would charge Rs 1500 in exchange for fake vaccination certificates; about 70-75 people have taken certificates from them: Mumbai Crime Branch
— ANI (@ANI) January 19, 2022
મુંબઈ ક્રાઈમ બ્રાન્ચે ધરપકડ કરાયેલા આરોપીઓ પાસેથી ઘણા બનાવટી નકલી રસીના પ્રમાણપત્રો પણ રિકવર કર્યા છે. અધિકારીઓએ જણાવ્યું કે આ ગેંગ એવા લોકોને કોરોના રસીના બંને ડોઝના નકલી પ્રમાણપત્રો આપતી હતી જેમણે કોવિડ-19 રસીના ડોઝ લીધા નથી.
અત્યાર સુધીમાં આ લોકોએ કુલ 70 થી 75 લોકોને કોરોના વેક્સિનેશનના નકલી પ્રમાણપત્રો વેચ્યા છે. નકલી સર્ટિફિકેટના બદલામાં આ ટોળકી લોકો પાસેથી 1500 રૂપિયા લેતી હતી. ક્રાઈમ બ્રાન્ચના જણાવ્યા અનુસાર, નકલી રસીના પ્રમાણપત્રો બનાવવાનો આ ધંધો છેલ્લા ઘણા મહિનાઓથી ચાલી રહ્યો હતો.
આ કાર્યવાહી બાદ ક્રાઈમ બ્રાન્ચ ટીમ એ જાણવામાં લાગી છે કે આ બે આરોપીઓ સિવાય આ ટોળકીમાં અન્ય કોણ કોણ સામેલ છે અને અત્યાર સુધીમાં આ રીતે નકલી સર્ટિફિકેટ બનાવીને આ ગેંગ દ્વારા કેટલા લોકોને છેતરવામાં આવ્યા છે. હાલ સમગ્ર મામલાની તપાસ ચાલી રહી છે.
આ પણ વાંચો: Kutch : એનસીબીની મુન્દ્રા પોર્ટ પર મોટી કાર્યવાહી, વિદેશી ડ્રગ્સનો જથ્થો ઝડપ્યો
આ પણ વાંચો: UP Election 2022: યુપી ચૂંટણીનું કેન્દ્રબિંદુ હશે પૂર્વાંચલ? જાણો શું કહે છે રાજકીય ગણિત
Published On - 7:16 am, Thu, 20 January 22