છોટાઉદેપુર : ભલભલાના કાળજા કંપી જાય તેવી ઘટના, મહિલા અત્યાચારનો વીડિયો વાયરલ
ભલે આજનો સમય આધુનિક બની ગયો હોય, પરંતુ આજે પણ સમાજમાં એવા-એવા કિસ્સાઓ સામે આવી રહ્યાં છેકે જેને લઇને અનેક સવાલો ઉદભવી રહ્યાં છે. આ વીડિયોમાં યુવતીને ઝાડ સાથે બાંધીને પછી ફટકારવામાં આવી રહી છે.
છોટાઉદેપુરમાં (Chhotaudepur) જાહેરમાં (women) મહિલા પર અત્યાચાર (Atrocities)ગુજારવાની વધુ એક ઘટના સામે આવી છે. મહિલાને નિર્દયતાપૂર્વક માર મારતો વીડિયો સોશિયલ મીડિયામાં વાયરલ થયો છે. વાયરલ વીડિયો જિલ્લાના સરહદી વિસ્તારનો હોવાનું અનુમાન છે. (Viral Video) વાયરલ વીડિયોમાં જોઈ શકાય છે કે એક શખ્સ મહિલાને લાકડીના ખાંભા સાથે બાંધીને બેરહેમીપૂર્વક માર મારી રહ્યો છે. વીડિયોમાં દેખાતા દ્રશ્યો કોઈની પણ કંપારી છૂટી જાય તેવા છે.વાયરલ વીડિયોના આ દ્રશ્યો જ કહી આપે છે કે છોટાઉદેપુર જિલ્લામાં મહિલાઓ સુરક્ષિત નથી. ઘટનાને લઈ અનેક સવાલો ઉઠી રહ્યા છે. આખરે જિલ્લામાં મહિલાઓ પર અત્યાચાર થતા ક્યારે અટકશે? પોલીસ કેમ કોઈ દાખલો નથી બેસાડતી? મહિલાને ઢોરમાર મારતા તત્વો સામે કેમ કડક કાર્યવાહી નથી થતી? મહિલાઓ ક્યાં સુધી જૂનવાણી વિચારોનો ભોગ બનતી રહેશે?
ભલે આજનો સમય આધુનિક બની ગયો હોય, પરંતુ આજે પણ સમાજમાં એવા-એવા કિસ્સાઓ સામે આવી રહ્યાં છેકે જેને લઇને અનેક સવાલો ઉદભવી રહ્યાં છે. આ વીડિયોમાં યુવતીને ઝાડ (લાકડાનો થાંભલો) સાથે બાંધીને પછી ફટકારવામાં આવી રહી છે. અને, આસપાસ કેટલાક લોકો આ દ્રશ્યો મુકપ્રેક્ષકની જેમ જોઇ રહ્યા છે. મહિલા ફટકાના મારથી કણસતી રહે છે. પરંતુ તેની મદદ કરવા કોઇ આગળ આવતું નથી. જુનવાણી વિચારસરણી ધરાવતા લોકોનો આ વીડિયો સમાજ માટે લાલબતી સમાન છે. અને તાલીબાની સજાનો આ વીડિયો હાલ ચર્ચાની એરણે છે. ત્યારે સવાલ એ થાય છેકે શું સમાજમાં આજે સ્ત્રીનું માન-સન્માન જળવાય છે ખરું ? આ વીડિયોએ માનવતાની દરેક હદો વટાવી દીધી છે. અને, આ નિષ્ઠુર લોકોને કડકમાં કડક સજા થાય તે પણ જરૂરી છે. ત્યારે આવા કિસ્સાઓમાં સમાજે પણ એક થઇ અવાજ ઉઠાવવાની જરૂર છે. નહીંતર આવા કિસ્સાઓ બનતા જ રહેશે.
હાલ તો આ વાયરલ વીડિયોને લઇને પોલીસે તપાસ આરંભી દીધી છે. અને, અત્યાચારીઓને કડક હાથે ડામી દેવાની તૈયારીઓ કરી દેવામાં આવી છે. ત્યારે આરોપી જલ્દી પોલીસની પકડમાં આવે તે જરૂરી છે.
આ પણ વાંચો : Ahmedabad : કોરોના સંક્રમણને પગલે સોમવારથી હાઇકોર્ટ વર્ચ્યુઅલ મોડમાં ચાલશે
Latest News Updates
