ડિપ્લોમા પાસ યુવાનો માટે નોકરીઓ બહાર પડી છે, આ રીતે અરજી કરો

NTPC recruitment 2023 Notification: ભારત સરકારની માલિકીની પાવર જનરેશન કંપની NTPC લિમિટેડ (NTPC) એ વિવિધ જગ્યાઓ પર ભરતી માટે સૂચના બહાર પાડી છે. અરજીની પ્રક્રિયા 19 એપ્રિલ 2023થી શરૂ થાય છે. ઉમેદવારો સત્તાવાર વેબસાઇટ careers.ntpc.co.in દ્વારા 5 મે 2023 સુધીમાં અરજી કરી શકે છે. કરિઅર ન્યુઝ અહીં વાંચો.

NTPCએ કુલ 152 ખાલી જગ્યાઓ માટે અરજીઓ આમંત્રિત કરી છે. ખાલી જગ્યાઓમાં માઈનિંગ ઓવરમેનની 84 જગ્યાઓ, ઓવરમેન (મેગેઝિન)ની 7 જગ્યાઓ, મિકેનિકલ સુપરવાઈઝરની 22 જગ્યાઓ, ઈલેક્ટ્રિકલ સુપરવાઈઝરની 20 જગ્યાઓ, વોકેશનલ ટ્રેનિંગ ઈન્સ્ટ્રક્ટરની 3 જગ્યાઓ, માઈન સર્વેયરની 9 જગ્યાઓ અને માઈનિંગ સિરદારની 7 જગ્યાઓનો સમાવેશ થાય છે.

અરજી માટે આવશ્યક લાયકાત

માઇનિંગ ઓવરમેન માટે, ઉમેદવારોએ ઓવરમેન પ્રમાણપત્ર સાથે માઇનિંગમાં ડિપ્લોમા હોવો જોઈએ. મિકેનિકલ સુપરવાઇઝરની જગ્યાઓ માટે, ઇલેક્ટ્રિકલ/ઇલેક્ટ્રોનિક્સ એન્જિનિયરિંગમાં ડિપ્લોમા જરૂરી છે. બીજી તરફ, ખાણ સર્વેની પોસ્ટ માટે, 12 પાસ સાથે સંબંધિત વિષયમાં પ્રમાણપત્ર હોવું જોઈએ.

ઉંમર શું હોવી જોઈએ?

આ વિવિધ જગ્યાઓ માટે અરજી કરનારા ઉમેદવારોની મહત્તમ ઉંમર 25 વર્ષ હોવી જોઈએ. તે જ સમયે, OBC કેટેગરીના ઉમેદવારોને 3 વર્ષની અને SC અને ST ઉમેદવારોને 5 વર્ષની છૂટ આપવામાં આવી છે.

NTPCમાં પસંદગી કેવી રીતે થશે?

અરજી કરનાર ઉમેદવારોની પસંદગી લેખિત પરીક્ષા, કૌશલ્ય કસોટી વગેરે દ્વારા કરવામાં આવશે. પરીક્ષાની તારીખ હજુ જાહેર કરવામાં આવી નથી. તેની માહિતી અલગથી પ્રકાશિત કરવામાં આવશે. વધુ વિગતો માટે, તમે અધિકૃત વેબસાઇટ પર જાહેર કરાયેલ સૂચનાને ચકાસી શકો છો.

આ રીતે અરજી કરો

સત્તાવાર વેબસાઇટ careers.ntpc.co.in ની મુલાકાત લો.

હવે જરૂરી વિગતો દાખલ કરીને નોંધણી કરો.

શૈક્ષણિક દસ્તાવેજો અપલોડ કરો અને ફી સબમિટ કરો.

હવે સબમિટ કરો અને છેલ્લે પ્રિન્ટ આઉટ લો.

આ પણ વાંચો : Career News : મેડિકલના વિદ્યાર્થીઓ ભણશે આયુર્વેદ-યુનાની, UG-PGમાં કરશે રામાયણ-મહાભારતનો અભ્યાસ

એજ્યુકેશન, કરિયર, કરન્ટ અફેર્સ, જોબ ક્ષેત્રે શું ચાલી રહ્યું છે? Tv9gujrati.com પર લેટેસ્ટ ગુજરાતી સમાચાર વાંચો અને જુઓ