કેન્દ્ર અને રાજ્ય સરકારના જુદા-જુદા વિભાગોમાં સરકારી નોકરી (Govt Jobs) મેળવવા માટે તૈયારી કરી રહેલા ઉમેદવારો માટે ખુશખબર છે. જે યુવાઓ સરકારી નોકરી માટે સપનું જોઈ રહ્યા છે તેના માટે સારા સમાચાર છે. 12 પાસ ઉમેદવારો માટે સરકારી નોકરી મેળવવાની સારી તક છે. છત્તીસગઢ પ્રોફેશનલ બોર્ડ (CGPEM) દ્વારા સુપ્રિટેન્ડેન્ટની ખાલી જગ્યા પર ભરતી માટે જાહેરનામું બહાર પાડવામાં આવ્યું છે.
આ પોસ્ટ પર ભરતી માટેની અરજી પ્રક્રિયા ક્યારે શરૂ થશે તેના વિશે સત્તાવાર માહિતી આપવામાં આવી નથી. તેથી વધારે જાણકારી માટે ઉમેદવારોએ ઓફિશિયલ વેબસાઇટ vyapam.cgstate.gov.in ની મુલાકાત લેવી જોઈએ. આ ભરતી દ્વારા કુલ 300 ખાલી જગ્યાઓ ભરવામાં આવશે. બોર્ડ દ્વારા જાહેર કરવામાં આવેલા સૂચના અનુસાર, હોસ્ટેલ સુપરિન્ટેન્ડેન્ટની જગ્યા માટે પસંદ થયા બાદ પે સ્કેલ 25300- 80500, લેવલ-6 મૂજબનો પગાર મળશે.
છત્તીસગઢ પ્રોફેશનલ બોર્ડ દ્વારા હોસ્ટેલ સુપરિન્ટેન્ડેન્ટની ખાલી જગ્યા માટે ઉમેદવારોની પસંદગી લેખિત પરીક્ષા મળેલા ગુણના આધારે થશે. લેખિત પરીક્ષાની તારીખ અને સીલેકશન પ્રોસેસ અંગેની માહિતી ઓફિશિયલ વેબસાઇટ પર અપલોડ કરવામાં આવશે. બોર્ડ દ્વારા જાહેર કરાયેલા નિવેદનમાં કહેવામાં આવ્યું છે કે, ઉમેદવારોએ વેબસાઈટ ચેક કરતા રહેવું.
આ પણ વાંચો : Govt Jobs: સ્નાતકો માટે બેંકમાં સરકારી નોકરીની તક, પગાર મળશે 50000 રૂપિયાથી વધારે, આ રીતે કરો ઓનલાઈન અરજી
છત્તીસગઢમાં આ પહેલા બહાર પાડવામાં આવેલી જાહેરાત મૂજબ સુપ્રિટેન્ડેન્ટની ખાલી જગ્યાની ભરતી માટે ઉમેદવારોની વય મર્યાદા 18 વર્ષથી 35 વર્ષની વચ્ચે હોવી જોઈએ. ઉમેદવારો ધોરણ 12 પાસ કરેલું હોવું જોઈએ અને તેને સંબંધિત ટ્રેડની પણ જાણકારી હોવી જરૂરી છે. અનામત વર્ગના ઉમેદવારોને વય મર્યાદામાં છૂટછાટ આપવામાં આવશે.