NEET Admit Card: નેશનલ એલિજિબિલિટી કમ એન્ટ્રન્સ ટેસ્ટ (NEET) માટે એડમિટ કાર્ડ ટૂંક સમયમાં જાહેર કરવામાં આવશે.NEET 2022 એડમિટ કાર્ડની આતુરતાથી રાહ જોઈ રહેલા ઉમેદવારોને એડમિટ કાર્ડ (NEET Admit Card 2022) માટે ઓફિશિયલ વેબસાઇટ neet.nta.nic.in પર નજર રાખવી પડશે. આ સિવાય નીટ એડમિટ કાર્ડ વિશે પણ જાણકારી તેઓ TV9 હિન્દી પર પણ મેળવી શકશે. લગભગ 18 લાખ ઉમેદવારો આતુરતાથી નીટ એડમિટ કાર્ડની રાહ જોઈ રહ્યા છે.
નેશનલ ટેસ્ટિંગ એજન્સી (NTA) દ્વારા નીટ એક્ઝામ માટેની સિટી એલોટમેન્ટ સ્લિપ જાહેર કરવામાં આવી છે. દેશભરના 546 શહેરોમાં અલગ-અલગ સેન્ટર્સ નીટ યુજી 2022ની એક્ઝામ લેવામાં આવશે. આ સિવાય ભારત બહારના 14 શહેરોમાં પણ નીટની એક્ઝામ લેવામાં આવશે. નીટની એક્ઝામ 17 જુલાઈના રોજ થવાની છે. નીટની પરીક્ષા બપોરે 2 થી 5.20 દરમિયાન લેવામાં આવશે.
નીટ યુજી 2022 માં ચાર સબ્જેક્ટ છે, જેમાં ફિજિક્સ, કેમેસ્ટ્રી, બાયોલોજી અને જીયોલોજીનો સમાવેશ થાય છે. દરેક સબ્જેક્ટના 50 સવાલોને બે સેક્શન (A અને B)માં વિભાજીત કરવામાં આવશે. એક્ઝામનો સમય 200 મિનિટ (03 કલાક 20 મિનિટ)નો રહેશે. એન્ટ્રેસ એક્ઝામમાં 200 મલ્ટીપલ ચોઈસ ક્વેશ્ચન હશે (એક સાચા જવાબ સાથે ચાર વિકલ્પો). નીટ યુજી એક્ઝામ 13 ભાષાઓમાં આયોજીત કરવામાં આવશે, જેમાં અંગ્રેજી, હિન્દી, આસામી, બંગાળી, ગુજરાતી, કન્નડ, મલયાલમ, મરાઠી, ઉડિયા, પંજાબી, તમિલ, તેલુગુ અને ઉર્દૂનો સમાવેશ થાય છે.
નીટ યુજી 2022માં દરેક સાચા જવાબ માટે ઉમેદવારોને ચાર ગુણ આપવામાં આવશે અને દરેક ખોટા જવાબ માટે એક માર્ક કાપવામાં આવશે. જો કોઈ સવાલનો જવાબ ન આપ્યો હોય તો તેના માટે શૂન્ય માર્કસ આપવામાં આવશે.