CAPF Recruitment : હિન્દી-અંગ્રેજી સિવાય 13 ભાષામાં લેવાશે CAPF કોન્સ્ટેબલની પરીક્ષા, જાણો શું થશે ફાયદો
CAPF Vacancy : કેન્દ્રિય સશસ્ત્ર પોલીસ ફોર્સમાં ભરતીની તૈયારી કરી રહેલા યુવાનોને કહેવામાં આવે છે કે હવે તેમને તેમની માતૃભાષામાં પણ પરીક્ષા આપવાની તક મળશે. ચાલો જાણીએ આનાથી શું ફાયદો થશે.
CAPF Recruitment : હિન્દી અને અંગ્રેજી ઉપરાંત, કેન્દ્રીય સશસ્ત્ર પોલીસ દળો (CAPFs) માં ભરતી માટેની પરીક્ષા 13 ભાષાઓમાં લેવામાં આવશે, જેમાં પ્રાદેશિક ભાષાઓનો સમાવેશ થાય છે. ગૃહ મંત્રાલયે કુલ 15 ભાષાઓમાં પરીક્ષા લેવા માટે લીલી ઝંડી આપી દીધી છે. પ્રેસ ઇન્ફર્મેશન બ્યુરોએ એક નિવેદન જાહેર કરીને આ અંગેની માહિતી આપી છે. તે જણાવે છે કે ગૃહ મંત્રાલયે હિન્દી અને અંગ્રેજી સિવાય 13 પ્રાદેશિક ભાષાઓમાં CAPF માટે કોન્સ્ટેબલ (જનરલ ડ્યુટી) પરીક્ષા યોજવાની મંજૂરી આપી છે.
આ પણ વાંચો : CRPF Recruitment : CRPFમાં કોન્સ્ટેબલની મોટી ભરતી, 1.30 લાખ જગ્યાઓ પર થશે નિમણૂંક
આ નિર્ણય ગૃહ મંત્રાલય દ્વારા લેવામાં આવ્યો છે. જેથી CAPFમાં સ્થાનિક યુવાનોની ભાગીદારી વધારી શકાય. તેનાથી પ્રાદેશિક ભાષાઓને પણ પ્રોત્સાહન મળશે. તાજેતરમાં, સરકારે જણાવ્યું હતું કે, CAPFમાં ખાલી જગ્યાઓની સંખ્યા 84 હજારથી વધુ છે. આ જગ્યાઓ ભરવા માટે સમયાંતરે ભરતીની સૂચનાઓ જાહેર કરવામાં આવે છે. આ નોકરીઓ માટે મોટી સંખ્યામાં યુવાનોએ પણ અરજી કરી છે. ચાલો જાણીએ કઇ ભાષામાં પરીક્ષા લેવામાં આવનારી છે.
પરીક્ષા કઈ ભાષાઓમાં લેવાશે?
સરકારે જણાવ્યું છે કે કોન્સ્ટેબલ (જનરલ ડ્યુટી) પરીક્ષાનું પેપર હિન્દી અને અંગ્રેજીમાં આવશે, આ સિવાય પ્રાદેશિક ભાષાઓમાં પણ પરીક્ષા આપવાનો વિકલ્પ હશે. હિન્દી અને અંગ્રેજી ઉપરાંત કુલ 13 પ્રાદેશિક ભાષાઓમાં પ્રશ્નપત્રો તૈયાર કરવામાં આવશે. આ ભાષાઓમાં આસામી, બંગાળી, ગુજરાતી, મરાઠી, મલયાલમ, કન્નડ, તમિલ, તેલુગુ, ઓડિયા, ઉર્દૂ, પંજાબી, મણિપુરી અને કોંકણીનો સમાવેશ થાય છે.
આ જાહેરાત થયા પછી ગુજરાતના મુખ્યમંત્રી ભુપેન્દ્રભાઈ પટેલે હરખની લાગણી વ્યક્ત કરી છે. તેણે ગૃહ મંત્રાલયમાં અમિત શાહને ટેગ કરીને ટ્વિટ કર્યું છે. તેમજ આભારની લાગણી વ્યક્ત કરી છે.
CAPFની પરીક્ષા ગુજરાતી સહિત ૧૩ પ્રાદેશિક ભાષાઓમાં પણ લેવાના સ્તુત્ય નિર્ણય બદલ માન. પ્રધાનમંત્રીશ્રી @narendramodi જી અને માન. કેન્દ્રીય ગૃહમંત્રીશ્રી @AmitShah જી નો આભાર વ્યક્ત કરું છું. આ થકી, પ્રાદેશિક ભાષાઓને પ્રોત્સાહન તેમજ રાજ્યના અનેક યુવાનોને દેશસેવામાં જોડાવાની તક મળશે. https://t.co/5dzi1W2bHm
— Bhupendra Patel (@Bhupendrapbjp) April 15, 2023
પ્રાદેશિક ભાષાથી શું ફાયદો થશે?
ગૃહ મંત્રાલય દ્વારા જાહેર કરવામાં આવેલા નિવેદનમાં કહેવામાં આવ્યું છે કે, લાખો ઉમેદવારોને તેમની માતૃભાષા અને પ્રાદેશિક ભાષામાં પરીક્ષા આપવાની તક મળશે. તમારી માતૃભાષામાં પરીક્ષા આપવાનો સૌથી મોટો ફાયદો એ છે કે તે ઉમેદવારોની પસંદગીની તકો વધારશે. તે જ સમયે ગૃહ મંત્રાલય અને સ્ટાફ સિલેકશન કમિશન (SSC) અનેક ભારતીય ભાષાઓમાં પરીક્ષા આયોજિત કરવા માટેના વર્તમાન એમઓયુ સાથે સંબંધિત એક પરિશિષ્ટ પર હસ્તાક્ષર કરવા જઈ રહ્યા છે.
કોન્સ્ટેબલ (જનરલ ડ્યુટી) ની પોસ્ટ માટે પરીક્ષા SSC દ્વારા લેવામાં આવે છે. આ પરીક્ષામાં ભાગ લેનારા યુવાનોની સંખ્યા લાખોમાં છે. હિન્દી અને અંગ્રેજી ઉપરાંત 13 અન્ય ભાષાઓમાં પરીક્ષા 1 જાન્યુઆરી, 2024થી લેવામાં આવશે. એવી અપેક્ષા રાખવામાં આવે છે કે રાજ્ય/કેન્દ્રશાસિત પ્રદેશ સરકારો માતૃભાષામાં પરીક્ષા યોજવાની તકનો લાભ લેશે. આ સાથે યુવાનોને આગળ વધવાના પ્રયાસો પણ કરવામાં આવશે.
એજ્યુકેશન, કરિયર, કરન્ટ અફેર્સ, જોબ ક્ષેત્રે શું ચાલી રહ્યું છે? Tv9gujrati.com પર લેટેસ્ટ ગુજરાતી સમાચાર વાંચો અને જુઓ
એજ્યુકેશન ન્યૂઝ, ગવર્નમેન્ટ જોબ, બોર્ડ રિઝલ્ટ, એડમિશન ન્યૂઝ વાંચવા માટે જોડાયેલા રહો…
