Zerodha ના કો-ફાઉન્ડર Nikhil Kamath એ રોકાણ વિશે કર્યો ખુલાસો, કહ્યું કે- આલ્કોહોલ બ્રાન્ડમાં મારો મોટો હિસ્સો…
લેટેસ્ટ પોડકાસ્ટ એપિસોડમાં તેમને પુછવામાં આવ્યું કે, 'શું ભારતમાં આલ્કોહોલ $70 બિલિયનનો બિઝનેસ છે?' કામથે જણાવ્યું હતું કે, બ્રાન્ડમાં તેમનો હિસ્સો લગભગ 1.6-1.7 ટકા છે, જે લગભગ રૂપિયા 400 કરોડ છે.
ઝેરોધાના કો ફાઉન્ડર નિખિલ કામથે તેમના લેટેસ્ટ ઈન્વેસ્ટમેન્ટ વિશે માહિતી શેર કરી છે. આ અબજોપતિએ મેજિક મોમેન્ટ્સ, 8 પીએમ વ્હિસ્કી, રામપુર પ્રીમિયમ ઈન્ડિયન સિંગલ માલ્ટ વ્હિસ્કી અને જેસલમેર ઈન્ડિયન ક્રાફ્ટ જિન જેવી અગ્રણી આલ્કોહોલ બ્રાન્ડની નિર્માતા રેડિકો ખેતાનમાં હિસ્સો ખરીદ્યો છે.
લગભગ 1.6-1.7 ટકા હિસ્સો
લેટેસ્ટ પોડકાસ્ટ એપિસોડમાં તેમને પુછવામાં આવ્યું કે, ‘શું ભારતમાં આલ્કોહોલ $70 બિલિયનનો બિઝનેસ છે?’ આ દરમિયાન કામથે ખુલાસો કર્યો હતો કે તેમની પાસે આ બ્રાન્ડમાં લગભગ 1.6-1.7 ટકા હિસ્સો છે, જેની કિંમત આશરે રૂપિયા 400 કરોડ છે.
તેમણે એ પણ નિર્દેશ કર્યું કે રોકાણની વિગતો અગાઉ ક્યારેય જાહેરમાં શેર કરવામાં આવી નથી. કામથ સાથે આ એપિસોડમાં રેડિકો ખેતાનના MD અભિષેક ખેતાન, સાઇડકારના કો-ફાઉન્ડર મીનાક્ષી સિંઘ, જિન એક્સપ્લોરર ક્લબના કો-ફાઉન્ડર શુચિર સુરી અને ગોવા બ્રૂઇંગ કંપનીના સ્થાપક સૂરજ શેનાઈ પણ જોડાયા હતા.
કામથે આ રીતે આપ્યો ખેતાનનો પરિચય
ખેતાનનો પરિચય આપતાં કામથે કહ્યું, “અમે ઇક્વિટી પાર્ટનર તરીકે અભિષેકના બિઝનેસમાં બહુ નાના ભાગીદારો છીએ. આ એક એવું રોકાણ છે જેણે અમારા માટે ખૂબ સારું પ્રદર્શન કર્યું છે. અમે તેના વિશે ક્યારેય જાહેરમાં વાત કરી નથી. મને લાગે છે કે તે 1.6-1.7 ટકા છે. અમારી પાસે રૂપિયા 400 કરોડના શેર છે, જે મારા માટે એક મોટું રોકાણ છે.”
આ હિસ્સો ઓપન માર્કેટમાંથી ખરીદવામાં આવ્યો હતો. આ દરમિયાન Radico MD એ પણ જણાવ્યું હતું કે, 2023 માં કંપનીનું ટર્નઓવર રૂપિયા 4,200 કરોડ હશે અને તેનું માર્કેટ કેપિટલાઇઝેશન રૂપિયા 20,000 કરોડને વટાવી જશે.
જથ્થાબંધ દારૂના સપ્લાયર તરીકે ઉભરી આવી
રેડિકો ખેતાન, ભારતમાં વિદેશી દારૂનું ઉત્પાદન કરતી સૌથી જૂની અને સૌથી મોટી કંપનીઓમાંની એક છે. તેણે 1943માં રામપુર ડિસ્ટિલરીના નામથી તેની કામગીરી શરૂ કરી હતી. સમયની સાથે કંપની મોટા જથ્થાબંધ દારૂના સપ્લાયર તરીકે ઉભરી આવી છે.
1998માં રેડિકો ખેતાને તેની પોતાની પ્રથમ બ્રાન્ડ, 8PM વ્હિસ્કી લોન્ચ કરી. વધુમાં તેણે તેના પોર્ટફોલિયોમાં મેજિક મોમેન્ટ્સ, કોન્ટેસા XXX રમ અને ઓલ્ડ એડમિરલ બ્રાન્ડી જેવી વધુ બ્રાન્ડ ઉમેરી.
બ્રાન્ડ્સમાં નોંધપાત્ર વૃદ્ધિ જોવા મળી
એન્ટિક સ્ટોક બ્રોકિંગે તેની જૂન 19ની નોંધમાં જણાવ્યું હતું કે કંપનીની મિલિયોનેર બ્રાન્ડ્સમાં નોંધપાત્ર વૃદ્ધિ જોવા મળી છે અને તેણે પ્રતિસ્પર્ધીઓને પાછળ રાખી દીધા છે.
“ચાર વર્ષના CAGRના આધારે પણ Radico ખૈતાને 7 ટકાના CAGR સાથે તેના પ્રતિસ્પર્ધીઓને પાછળ રાખી દીધા છે, જ્યારે તે યુનાઇટેડ સ્પિરિટ્સ માટે અને 2 ટકા રેસ્ટોરન્ટ્સ એન્ડ બાર્સ (ઓન-ટ્રેડ) માટે સ્થિર રહી હતી. મેજિક મોમેન્ટ્સ વોડકા માટે મજબૂત રિકવરી થઈ, જે 6.2 મિલિયન કેસોનું વેચાણ તરફ દોરી જાય છે, જે વાર્ષિક ધોરણે 29 ટકાનો વધારો દર્શાવે છે.”