જો તમે 2 ઓક્ટોબરે ખરીદી કરવા, બહાર જવા અથવા રેસ્ટોરન્ટમાં જમવા જવાનું આયોજન કરી રહ્યા હોવ, તો સાથે રોકડ લઈને નિકળજો. તમે કોઈ દુકાને પહોંચો, વસ્તુ પસંદ કરો અને ચૂકવણી કરવા માટે તમારી UPI એપ ખોલો, અને ત્યારે જ દુકાનદાર રોકડની માંગણી કરે એવી સ્થિતિ તમે ચોક્કસપણે નહીં ઈચ્છો.

આજે UPIથી બધી જગ્યાએ નહીં કરી શકો પેમેન્ટ

વાસ્તવમાં, દેશભરના કેટલાક વેપારી સંગઠનોએ ₹2000થી વધુના વેપારી UPI પેમેન્ટ્સ પર સૂચિત MDR (મર્ચન્ટ ડિસ્કાઉન્ટ રેટ) ચાર્જિસના વિરોધમાં આજે ‘નો UPI ડે’નું આહ્વાન કર્યું છે. જોકે, આ વિરોધ અંગે વેપારી સંગઠનોમાં મતભેદ જોવા મળે છે; કેટલાક સંગઠનો 2 ઓક્ટોબરે ડિજિટલ પેમેન્ટ્સ બંધ રાખવાના નિર્ણય પર મક્કમ છે, જ્યારે અન્ય સંગઠનોએ આ પગલાંથી પોતાને બહાર રાખ્યા છે. ત્યારે ચાલો જાણીએ ક્યા ક્યા માત્ર કેશથી વ્યવહાર કરવો પડશે અને ક્યાં UPI ચાલશે.

આજે UPI પેમેન્ટ્સમાં સમસ્યાઓ આવી શકે છે.

‘કોન્ફેડરેશન ઓફ ટ્રેડર્સ ઓફ ઈન્ડિયા’ (CTI) એ ૨ ઓક્ટોબરે ‘નો UPI ડે’ પાળવાનું આહ્વાન કર્યું છે. સંસ્થાએ દુકાનદારો અને વેપારીઓને વિનંતી કરી છે કે તેઓ આજે UPI પેમેન્ટ્સ સ્વીકારે નહીં અને માત્ર રોકડમાં જ ચૂકવણી સ્વીકારે. CTI એ દુકાનોમાં રહેલા UPI ટર્મિનલ્સને કાળા કપડાથી ઢાંકી દેવાની પણ અપીલ કરી છે.

આજે કઈ દુકાનોમાં માત્ર રોકડ સ્વીકારાય તેવી શક્યતા છે?

•  મોબાઈલ અને ઈલેક્ટ્રોનિક્સના વિક્રેતાઓ: મોબાઈલ ફોન વેચતા અનેક મોટા રિટેલ સંગઠનોએ આજે ​​UPI પેમેન્ટ્સનો બહિષ્કાર કરવાની જાહેરાત કરી છે અને તેમના QR કોડ ડિસ્પ્લે પર કાળું કપડું બાંધવાની યોજના જાહેર કરી છે.
• સ્થાનિક કાપડ અને ફૂટવેરના વેપારીઓ: કેટલાક શહેરો (જેમ કે ઈન્દોર, વડોદરા, સાસારામ અને ગાઝિયાબાદ) માં સ્થાનિક કાપડ બજારો અને ફૂટવેરની દુકાનોના વેપારીઓએ સ્વેચ્છાએ “નો UPI, ઓન્લી કેશ” (UPI નહીં, માત્ર રોકડ) ના બોર્ડ લગાવ્યા છે.
• સ્થાનિક રિટેલ બજારો: અમુક સંગઠનો સાથે જોડાયેલા સ્થાનિક વેપારીઓ આજે ₹2000થી વધુની ખરીદી માટે UPI ને બદલે રોકડની માંગ કરી રહ્યા છે.
• રસ્તા કિનારે આવેલા સ્ટોલ્સ અને ફેરિયાઓ: બેંગલુરુ જેવા કેટલાક શહેરોમાં, નાના વિક્રેતાઓ ટેક્સની તપાસ અને GST નોટિસના ડરને કારણે ડિજિટલ પેમેન્ટ્સ કરતાં રોકડ વ્યવહારોને પ્રાધાન્ય આપી રહ્યા છે.
• હોટલ્સ કે રેસ્ટોરેન્ટ : આજે તમે રેસ્ટોરન્ટમાં જમવા જવાનું આયોજન કરી રહ્યા હોય તો તમારે કેસ સાથે લઈને જ જવુ પડશે, જોકે કેટલાક રેસ્ટોરન્ટ UPI પણ સ્વિકારી રહ્યા છે પણ પેમેન્ટ સમયે મુશ્કેલીમાં ના ફસાવ આથી થોડી રોકડ સાથે રાખી મુકજો

ક્યાં UPI અને ડિજિટલ પેમેન્ટ્સ સંપૂર્ણપણે કાર્યરત છે?

• કરિયાણા, દૂધ અને ચાની દુકાનો: સ્થાનિક કરિયાણાની દુકાનો, ડેરીઓ અને નાના ઢાબા (રસ્તા કિનારે આવેલા ખાણી-પીણીના સ્થળો) આ હડતાળમાં ભાગ લઈ રહ્યા નથી. CAIT (કોન્ફેડરેશન ઓફ ઓલ ઈન્ડિયા ટ્રેડર્સ) જેવા મુખ્ય વેપારી સંગઠનોએ દેશવ્યાપી UPI હડતાળ માટે કોઈ સત્તાવાર હાકલ કરી નથી.
• સુપરમાર્કેટ્સ અને મોલ્સ: રિલાયન્સ સ્માર્ટ, ડી-માર્ટ અને સ્ટાર બજાર જેવા મોટા રિટેલ આઉટલેટ્સ પર ડિજિટલ અને કાર્ડ પેમેન્ટ્સ સામાન્ય રીતે કામ કરી રહ્યા છે.
• ઓનલાઇન એપ્સ અને બુકિંગ્સ: ઝોમેટો (Zomato), સ્વિગી (Swiggy), એમેઝોન (Amazon), ફ્લિપકાર્ટ (Flipkart) અને કેબ બુકિંગ જેવી સેવાઓ માટે UPI હંમેશની જેમ કાર્યરત છે.
• વ્યક્તિગત ટ્રાન્સફર (P2P): મિત્રો કે સંબંધીઓને પૈસા મોકલવાની પ્રક્રિયા સંપૂર્ણપણે મફત છે અને તેના પર કોઈ અસર થઈ નથી.

Gold-Silver Rate Today: ગાંધી જયંતિ પર સોનું થયું સસ્તું, દિલ્હીથી અમદાવાદ સુધી ઘટી ગયો ભાવ, આ સ્ટોરી વાંચવા અહીં ક્લિક કરો