Sabka Sapna Money Money: માત્ર ત્રણ વર્ષમાં ખરીદી શકશો રુપિયા 10 લાખની કાર, જાણો SIPમાં કેટલા રોકાણથી ત્રણ વર્ષમાં મળશે આ રકમ

Mutual Fund : જો તમે તાજેતરમાં જ નોકરી શરૂ કરી છે અને તમે કાર ખરીદવાનું લક્ષ્ય રાખો છો. તો તેના માટે માત્ર ત્રણ જ વર્ષની રાહ જોવી પડશે. તમે SIP મ્યુચ્યુઅલ ફંડમાં માત્ર ત્રણ વર્ષ સુધી રોકાણ (Investment) કરીને તમારી કાર માટેનું સ્વપ્ન પૂર્ણ કરી શકો છો.જેના માટે તમારે SIPમાં માસિક કેટલા રુપિયાનું રોકાણ કરવુ જોઇએ તેની અમે માહિતી આપીશુ.

આ પણ વાંચો- Sabka Sapna Money Money: મહિને 1000 રુપિયાનું SIPમાં રોકાણ કરવાથી 5, 10, 15 અને 20 વર્ષમાં મળશે આટલુ રિટર્ન,જાણો કેટલા વર્ષ રોકાણ કરશો

જો તમે SIPમાં મહિને 20 હજાર રુપિયાનું રોકાણ કરો છો, તો તમે તમારી કાર ખરીદવાના લક્ષ્યને સરળતાથી પ્રાપ્ત કરી શકો છો. SIP કેલ્ક્યુલેટરની મદદથી તમારે કેટલુ રોકાણ કરવુ અને અંદાજિત તમને કેટલુ વળતર મળશે તેનો અંદાજ મેળવી શકાય છે. તે પહેલા આપણે અહીં સમજવું પડશે કે SIPમાં વળતર બજારની કામગીરી પર આધારિત છે. બજારની તેજી કે મંદીને કારણે તમારું વળતર પણ વધી કે ઘટી શકે છે.

મહિને રુપિયા 20 હજારનું કરો રોકાણ

દર મહિને તમારે 20 હજાર રુપિયાની મદદ કરવાની રહેશે. જો તમે સતત 3 વર્ષ સુધી આ રકમની SIP ચાલુ રાખો છો, તો તમે લગભગ 10 લાખ રૂપિયાનું ફંડ એકત્ર કરી શકો છો. SIPનું વાર્ષિક વળતર 15 ટકા તરીકે લઇને ચાલીએ તો તમને SIP પર વાર્ષિક સરેરાશ 15 ટકા વળતર મળી શકે છે. આ જ રીતે રોકાણનું આયોજન કરીને તમે સરળતાથી તમારી મનપસંદ કારના માલિક બની શકો છો.

છેલ્લા 3 વર્ષમાં એવા ઘણા ફંડ્સ રહ્યા છે જેમણે વાર્ષિક SIP રિટર્ન 38 ટકા સુધી આપ્યુ છે. ઉદાહરણ જોવા જઇએ તો છેલ્લા 3 વર્ષમાં ક્વોન્ટ સ્મોલ કેપ ફંડનું વાર્ષિક SIP વળતર 38 ટકાથી વધુ રહ્યું છે. તો બીજી તરફ ICICI પ્રુડેન્શિયલ ઇન્ફ્રાસ્ટ્રક્ચર ફંડનું 3 વર્ષનું SIP રિટર્ન 33 ટકાથી વધુ રહ્યું છે.

SIPના કેલ્ક્યુલેટરની ગણતરી મુજબ જો તમે 22 વર્ષના છો અને 20 હજાર રૂપિયાની માસિક SIP શરૂ કરો છો તો 25 વર્ષની ઉંમરે તમારી પાસે રહેલા ભંડોળથી તમે સરળતાથી કાર ખરીદી શકો છો. કારનું આયોજન જેટલું વહેલું કરશો તેટલી જ જલ્દી તમે તેના માલિક બની શકશો.

(નોંધ: મ્યુચ્યુઅલ ફંડમાં રોકાણ બજારના જોખમોને આધીન છે. રોકાણ કરતા પહેલા નિષ્ણાંતની સલાહ લો.)

બિઝનેસ સહિતના સમાચાર વાંચવા અહીં ક્લિક કરો