Rahul Gandhi Stock Portfolio: શેર માર્કેટમાં 25 શેરમાં છે Rahul Gandhiનું રોકાણ, જાણો ક્યાં શેરમાં સૌથી વધું ઇન્વેસ્ટમેન્ટ
રાહુલ ગાંધીએ ટાટા ગ્રુપની કંપનીઓ, ICICI બેંક અને ઘણા લાર્જ કેપ શેરોમાં રોકાણ કર્યું છે. આ સિવાય તેણે કેટલાક સ્મોલ કેપ ફંડ્સમાં પણ પૈસા રોક્યા છે.
કોંગ્રેસના નેતા રાહુલ ગાંધીએ છેલ્લા દસ વર્ષમાં ભારતીય ઈક્વિટી માર્કેટમાં તેમના એક્સ્પોઝરમાં નોંધપાત્ર વધારો કર્યો છે જેમાં તેમની માલિકીના શેરની કિંમત રૂ. 4.33 કરોડ અને મ્યુચ્યુઅલ ફંડ રૂ. 3.81 કરોડ છે. 15 માર્ચ 2024 સુધી કુલ વેલ્યુએશન, સ્ટોક્સ અને મ્યુચ્યુઅલ ફંડ્સનું કુલ મૂલ્ય રૂ. 8.14 કરોડ છે, જે તાજેતરની એફિડેવિટ મુજબ ગાંધીએ લોકસભાની ચૂંટણી પહેલા ફાઇલ કરી છે.
રાહુલ ગાંધીના 2019 ના રોકાણની વાત કરીએ તો તેમની પાસે રૂ. 5.19 કરોડના મ્યુચ્યુઅલ ફંડ હતા પરંતુ શેરબજારમાં તેમનું કોઈ સીધું રોકાણ નહોતું. અને જો 2014 ની સામાન્ય ચૂંટણીઓમાં કોંગ્રેસ સત્તા જાળવી રાખવામાં નિષ્ફળ રહી હતી અને પાર્ટી ભાજપ સામે પાર્ટી હારી ગઈ હતી ત્યારે રાહુલ ગાંધીના મ્યુચ્યુઅલ ફંડમાં રૂ. 1 કરોડ કરતા ઓછા હતા. તેમની પાસે રાખેલા મ્યુચ્યુઅલ ફંડની નેટ એસેટ વેલ્યુ 81.28 લાખ રૂપિયા હતી. તેમની પાસે શેરબજારમાં સીધું રોકાણ પણ નહોતું.
રાહુલ ગાંધીનું રોકાણ
વેલ્યુએશન મુજબ, તેની પાસે રહેલા ટોચના પાંચ શેરોમાં પિડલાઈટ ઈન્ડસ્ટ્રીઝ, બજાજ ફાઈનાન્સ, નેસ્લે ઈન્ડિયા, એશિયન પેઈન્ટ્સ અને ટાઇટન છે. તેમના પોર્ટફોલિયોમાં સૌથી મોટો સ્ટોક 42.27 લાખ રૂપિયાનો પિડલાઈટ ઈન્ડસ્ટ્રીઝ છે. શેરે છેલ્લા 1 વર્ષમાં 29.30% વળતર આપ્યું છે. તેમની પાસે એશિયન પેઈન્ટ્સ લિમિટેડ, બજાજ ફાઈનાન્સ લિમિટેડ અને નેસ્લે ઈન્ડિયા લિમિટેડના દરેકના 35-36 લાખ રૂપિયાના શેર હતા. મિડ અને સ્મોલકેપ શેરોમાં, તેમની પાસે રૂ. 14 લાખના મૂલ્યના જીએમએમ ફોડલર શેર, રૂ. 11.92 લાખના મૂલ્યના દીપક નાઈટ્રાઈટના શેર અને ટ્યુબ ઈન્વેસ્ટમેન્ટ્સ છે. 12.10 લાખની કિંમતની ભારત, 8.56 લાખ રૂપિયાની ફાઇન ઓર્ગેનિક્સ અને 4.45 લાખ રૂપિયાની ઇન્ફો એજ છે.
મ્યુચ્યુઅલ ફંડમાં રોકાણ
રાહુલ ગાંધીના ચૂંટણી એફિડેવિટ મુજબ, તેમની પાસે 55,000 રૂપિયા રોકડ છે અને બે બચત ખાતામાં 26.25 લાખ રૂપિયા જમા છે. એસબીઆઈ, એચડીએફસી બેંક અને સાત મ્યુચ્યુઅલ ફંડ સ્કિમ માં, મુખ્યત્વે એચડીએફસી એએમસી, પીપીએફએએસ અને આઈસીઆઈસીઆઈ પ્રુડેન્શિયલ એએમસીમાં રૂ. 3.81 કરોડનું રોકાણ કરવામાં આવ્યું છે. પોસ્ટલ સેવિંગ્સ, NSS, જ્વેલરીમાં રોકાણ સહિત ગાંધીનું કુલ રોકાણ રૂ. 9.24 કરોડ છે.
રાહુલ ગાંધીએ ગોલ્ડ બોન્ડમાં રોકાણ કર્યું હતું
RBI દ્વારા લોન્ચ કરાયેલા સોવરિન ગોલ્ડ બોન્ડ (SGB)માં રાહુલ ગાંધીનું રૂ. 15.27 લાખનું રોકાણ છે. પીપીએફ ખાતામાં રૂ. 61.52 લાખ અને રૂ. 4.20 લાખની કિંમતનું 333.30 ગ્રામ સોનું પણ છે. કેરળના વાયનાડ મતવિસ્તારમાંથી ચૂંટણી લડી રહેલા ગાંધી ત્યાંના વર્તમાન સાંસદ છે. તેમણે બુધવારે ઉમેદવારી નોંધાવી હતી.
