ભારતના ચૂંટણી પંચે આવતા વર્ષે ઉત્તર પ્રદેશ, પંજાબ સહિત ઉત્તરાખંડમાં યોજાનારી વિધાનસભાની ચૂંટણી માટે એક એપ લોન્ચ કરી છે. આ એપનું નામ વોટર હેલ્પલાઇન એન્ડ્રોઇડ 2021(voter helpline android 2021) છે. કમિશને આ એપને એન્ડ્રોઇડ અને iOS યુઝર્સ માટે પ્લેસ્ટોર પર ઉપલબ્ધ કરાવી છે. આનાથી ચૂંટણીમાં મતદારોની સમસ્યા દૂર થશે.
હવે મતદારો આના દ્વારા સરળતાથી તેમનું ઓળખ પત્ર ડાઉનલોડ કરી શકશે. આ સાથે તમે મતદાર યાદીમાં તમારું નામ સર્ચ કરી શકો છો. તમે તમારી ફરિયાદ નોંધાવી શકો છો, ફોર્મ પણ ભરી શકો છો. તેના આગમનથી લોકોમાં મતદાન માટે જાગૃતિ આવશે. તેમના મતદાનને લગતી કોઈપણ સમસ્યા થોડી મિનિટોમાં ઉકેલાઈ જશે. વોટિંગ કાર્ડ કે વોટિંગ લિસ્ટમાં નામ ન હોવાને કારણે લોકો પોતાનો કિંમતી મત આપી શકતા નથી તેવું જોવા મળ્યું છે.
આ એપ દ્વારા મતદાતાઓ સરળતાથી તેમનું વોટિંગ કાર્ડ અને યાદીમાં નામ જોઈ શકશે. જાણો આ એપ્લિકેશન કેવી રીતે ડાઉનલોડ કરવી
શું ફાયદો થશે?
આયોગની આ એપથી હવે મતદાન ખૂબ જ સરળ બની જશે. આની મદદથી ચૂંટણીને લગતી તમામ સમસ્યાઓનું નિરાકરણ ઘરે બેસીને થશે, મતદાનની ટકાવારી પણ વધશે. જેના કારણે ચૂંટણીમાં સામાન્ય જનતાનો વિશ્વાસ પણ વધશે.
આ પણ વાંચો : સરકારી ઓઇલ કંપનીઓ Model Retail Outlet Scheme શરૂ કરશે. 70 હજારથી વધુ આઉટલેટના નેટવર્ક માટે તૈયારી હાથ ધરાઈ
આ પણ વાંચો : Gold : શું તમે 22 અને 24 કેરેટ સોના વચ્ચેનો તફાવત જાણો છો? 22 કેરેટને ‘916’ કેમ કહેવાય છે? જાણો વિગતવાર