Nykaa IPO listing: શેરબજારમાં Nykaa ની ધમાકેદાર એન્ટ્રી, રોકાણકારો થયા માલામાલ, જાણો ક્યા ભાવે થયું લિસ્ટિંગ

Nykaa IPO listing: ભારતીય શેરબજાર આજે બુધવારે લાલ નિશાન નીચે કારોબાર કરી રહ્યું છે પરંતુ આ સામે આજે લિસ્ટિંગ થનાર શેરે રેકોર્ડ બનાવ્યો છે. સૌંદર્ય ઉત્પાદનોની ઈ-કોમર્સ કંપનીFSN E-Commerce Ventures Ltd (Nykaa) ના IPO હેઠળ તેના શેરનું જોરદાર લિસ્ટિંગ થયું છે. કંપનીના શેર NSE પર 79 ટકાના પ્રીમિયમ સાથે રૂ2018 પર લિસ્ટેડ છે જ્યારે BSE પર તે લગભગ 78 ટકાના પ્રીમિયમ સાથે રૂ2001 પર લિસ્ટેડ છે.

ઉલ્લેખનીય છે કે બુધવારે સવારથી ભારતીય શેરબજાર લાલ નિશાનમાં છે. BSE સેન્સેક્સ 138 પોઈન્ટ ઘટીને 60,295.26 પર ખુલ્યો હતો. એ જ રીતે NSE નિફ્ટી 171 પોઈન્ટ ઘટીને 17,973.45 પર ખુલ્યો હતો. આજના કારોબાર દરમ્યાન સેન્સેક્સ 59,967.45 ના નીચલા સ્તરે નોંધાયો છે.

લિસ્ટિંગને લઈ સારા અનુમાન હતા
Nykaaના શેરને ગ્રે માર્કેટમાં લગભગ 68 ટકા પ્રીમિયમ મળી રહ્યું હતું. આનાથી સંકેત મળે મળ્યા હતા કે કંપનીના શેર BSE અને NSE પર મજબૂત શરૂઆત કરી શકે છે. શેરનો ગ્રે માર્કેટમાં લગભગ રૂ 1,885ના ભાવે વેપાર થતો હતો. કંપનીના ના ઈશ્યુને લગભગ 82 ગણું સબસ્ક્રિપ્શન મળ્યું છે.

કંપની 9 વર્ષ પહેલા શરૂ થઈ હતી
Nykaa ની શરૂઆત નવ વર્ષ પહેલા ભૂતપૂર્વ ઇન્વેસ્ટમેન્ટ બેન્કર ફાલ્ગુની નાયર દ્વારા કરવામાં આવી હતી. ફાલ્ગુની ઉપરાંત તેના પ્રમોટર્સમાં સંજય નાયર, ફાલ્ગુની નાયર ફેમિલી ટ્રસ્ટ અને સંજય નાયર ફેમિલી ટ્રસ્ટનો સમાવેશ થાય છે.OFS માં હિસ્સો સંજય નાયર ફેમિલી ટ્રસ્ટ અને કેટલાક શેરધારકો વતી વેચવામાં આવશે. ગત નાણાકીય વર્ષમાં કંપનીની આવક વધીને રૂ 2,441 કરોડ થઈ હતી અને તેણે રૂ 61.9 કરોડનો નફો કર્યો હતો.

માર્ચના અંત સુધીમાં કંપનીની મોબાઈલ એપ્સ લગભગ 4.37 કરોડ ડાઉનલોડ થઈ ગઈ હતી. મોબાઈલ એપ ખરીદી તેના ઓનલાઈન ગ્રોસ મર્ચેન્ડાઈઝ વેલ્યુના 86 ટકાથી વધુ હિસ્સો ધરાવે છે. કોટક મહિન્દ્રા કેપિટલ કંપની, મોર્ગન સ્ટેન્લી, બોફા સિક્યોરિટીઝ, સિટીગ્રુપ ગ્લોબલ માર્કેટ્સ, જેએમ ફાઇનાન્શિયલ અને ICICI સિક્યોરિટીઝ IPO માટે મર્ચન્ટ બેન્કર્સ છે.

આ પણ વાંચો :  Petrol Diesel Price Today: રાહતના સમાચાર, આજે પણ મોંઘુ ન થયું તમારા વાહનનું ઇંધણ, જાણો પેટ્રોલ – ડીઝલના ભાવ

આ પણ વાંચો : Stock Update : આજના કારોબારમાં આ શેર્સ તમને માલામાલ બનાવી શકે છે! કરો એક નજર આજના TOP GAINER STOCKS ઉપર