NTPC Green Energy Share Price: 3.24% પ્રીમિયમ પર લિસ્ટ થયો IPO, ખરીદવા માટે લોકોએ કરી પડાપડી

NTPC ગ્રીન એનર્જી સ્ટોક્સ-: NTPC ગ્રીન એનર્જી ₹10,000-કરોડ IPO 2.42 વખત સબસ્ક્રાઇબ કરવામાં આવ્યો હતો. ₹102-108ના પ્રાઇસ બેન્ડ સાથે બહાર પડેલા IPOને ઓફર પરના 59.32 કરોડ શેરની સામે 143.37 કરોડ શેર માટે બિડ મળી હતી. NTPC ગ્રીન એનર્જીના શેર આજે સ્ટોક એક્સચેન્જમાં ડેબ્યૂ કર્યુ.મહત્વનું છે શેર 3% પ્રીમિયમ પર લિસ્ટ થયા છે.

NTPC ગ્રીને તેના રૂ. 10,000 કરોડના IPO માટે શેર દીઠ રૂ. 102-108ના ફિક્સ પ્રાઈસ બેન્ડમાં શેર વેચીને ત્રણ દિવસની બિડિંગ પ્રક્રિયા દરમિયાન સારી સંખ્યામાં સબ્સ્ક્રિપ્શન મેળવ્યા હતા. નેશનલ સ્ટોક એક્સચેન્જ (NSE)ના ડેટા અનુસાર 22 નવેમ્બરે બંધ થયેલી પ્રારંભિક જાહેર ઓફર (IPO)ને રોકાણકારો તરફથી સારો પ્રતિસાદ મળ્યો હતો, જેમાં 2.42 ગણું ઓવરસબસ્ક્રિપ્શન મળ્યું હતું. હ્યુન્ડાઇ મોટર ઇન્ડિયાના રૂ. 27,870 કરોડ અને સ્વિગીના રૂ. 11,300 કરોડના ઇશ્યૂ પછી આ જાહેર ઓફર 2024ની ત્રીજી સૌથી મોટી ઓફર છે.

ગ્રે માર્કેટમાં કંપનીની કામગીરી નબળી રહી છે

ગ્રે માર્કેટમાં NTPC ગ્રીન એનર્જી IPOની સ્થિતિ સારી નહોતી. લિસ્ટિંગના દિવસે એટલે કે આજે IPO નકારાત્મક રૂ. 1ના પ્રીમિયમ પર ટ્રેડ થઈ રહ્યો હતો.