RIL ના માર્કેટકેપમાં 79હજાર કરોડનો ઘટાડો, ટોચની 10 કંપનીઓમાંથી 8ના માર્કેટ કેપમાં રૂ. 2.61 લાખ કરોડનું નુકસાન, જાણો વિગતવાર

શેરબજાર(Share Market)ની ટોચની દસ સૌથી મૂલ્યવાન કંપનીઓમાંથી આઠ કંપનીઓના માર્કેટ વેલ્યુમાં ગત સપ્તાહે સંયુક્ત રીતે રૂ. 2,61,812.14 કરોડનો ઘટાડો થયો છે. એશિયાના સૌથી ધનિક વ્યક્તિ મુકેશ અંબાણી(Mukesh Ambani)ની કંપની રિલાયન્સ ઈન્ડસ્ટ્રીઝે(Reliance Industries) માર્કેટ કેપમાં સૌથી વધુ ઘટાડો નોંધાયો છે.

Top 10 કંપનીઓની આ યાદીમાં IT સેક્ટરની કંપનીઓનો દબદબો છે. ઈન્ફોસિસ(Infosys) અને વિપ્રો(Wipro) આઈટી સેક્ટરની માત્ર એવી કંપનીઓ છે જે છેલ્લા સપ્તાહના બિઝનેસમાં નફાકારક રહી હતી.

રિલાયન્સ ઈન્ડસ્ટ્રીઝને સૌથી વધુ નુકસાન
ગત સપ્તાહે BSE સેન્સેક્સ 1,774.93 પોઈન્ટ અથવા 3.01 ટકા ઘટ્યો હતો. રિલાયન્સ ઇન્ડસ્ટ્રીઝનું મૂલ્ય રૂ. 79,658.02 કરોડ ઘટીને રૂ 15,83,118.61 કરોડ થયું હતું. HDFCનું મૂલ્ય રૂ 34,690.09 કરોડ ઘટીને રૂ. 4,73,922.86 કરોડ થયું હતું.

બજાજ ફાઇનાન્સનું માર્કેટ કેપિટલાઇઝેશન રૂ. 33,152.42 કરોડ ઘટીને રૂ. 4,16,594.78 કરોડ અને HDFC બેન્કનું રૂ. 27,298.3 કરોડ ઘટીને રૂ. 8,16,229.89 કરોડ થયું હતું.

સ્ટેટ બેંક ઓફ ઈન્ડિયા પણ નુકસાનમાં
હિન્દુસ્તાન યુનિલિવર લિમિટેડ (HUL)નું મૂલ્યાંકન રૂ. 24,083.31 કરોડ ઘટીને રૂ. 5,24,052.84 કરોડ અને સ્ટેટ બેન્ક ઓફ ઇન્ડિયાનું મૂલ્ય રૂ. 24,051.83 કરોડ ઘટીને રૂ. 4,17,448.70 કરોડ થયું હતું. ICICI બેન્કનું મૂલ્યાંકન રૂ. 20,623.35 કરોડ ઘટીને રૂ. 5,05,547.14 કરોડ થયું હતું અને ટાટા કન્સલ્ટન્સી સર્વિસિસનું મૂલ્ય રૂ. 18,254.82 કરોડ ઘટીને રૂ. 13,26,923.71 કરોડ થયું હતું.

ICICI બેન્કનું મૂલ્યાંકન રૂ. 20,623.35 કરોડ ઘટીને રૂ. 5,05,547.14 કરોડ થયું હતું અને ટાટા કન્સલ્ટન્સી સર્વિસિસનું મૂલ્ય રૂ. 18,254.82 કરોડ ઘટીને રૂ. 13,26,923.71 કરોડ થયું હતું.

IT સેક્ટરની ઈન્ફોસિસ અને વિપ્રો નફામાં
આ તમામ કંપનીઓ ઉપરાંત ઈન્ફોસિસનું મૂલ્યાંકન રૂ. 26,515.92 કરોડ વધીને રૂ. 7,66,123.04 કરોડ અને વિપ્રોનું મૂલ્યાંકન રૂ. 17,450.39 કરોડ વધીને રૂ. 3,67,126.39 કરોડ થયું છે.

તમને જણાવી દઈએ કે શેરબજારમાં સૌથી વધુ મૂલ્ય ધરાવતી આ ટોપ 10 કંપનીઓની રેન્કિંગમાં રિલાયન્સ ઈન્ડસ્ટ્રીઝ લિમિટેડ સૌથી આગળ છે. રિલાયન્સ ઇન્ડસ્ટ્રીઝ પછી ટાટા કન્સલ્ટન્સી સર્વિસિસ, HDFC બેન્ક, ઇન્ફોસિસ, હિન્દુસ્તાન યુનિલિવર લિમિટેડ, ICICI બેન્ક, HDFC, સ્ટેટ બેન્ક ઑફ ઇન્ડિયા, બજાજ ફાઇનાન્સ અને છેલ્લે વિપ્રો આવે છે.

આ પણ વાંચો : ઈન્કમ ટેક્સ પોર્ટલ પર પાસવર્ડ ભૂલી જવાને કારણે થઈ રહી છે સમસ્યા? જાણો સરળતાથી કેવી રીતે બદલી શકાશે પાસવર્ડ

આ પણ વાંચો : જાણો છેલ્લા 5 વર્ષમાં કઈ કંપનીઓએ રોકાણકારોને બનાવ્યા માલામાલ? રિલાયન્સ અને અદાણી ટ્રાન્સમિશનના રોકાણકારોને સૌથી વધુ લાભ