મુકેશ અંબાણીની હવે આ નવા બિઝનેસમાં એન્ટ્રી..સેબીની મળી મંજૂરી, શેરમાં આવી શાનદારી તેજી
મુકેશ અંબાણીની કંપનીને સેબી દ્વારા મંજૂરી આપવામાં આવી છે. હવે જિયો ફાઇનાન્શિયલ સર્વિસિસ અને બ્લેકરોક ઇન્ક. સંયુક્ત રીતે બ્રોકરેજ બિઝનેસનું સંચાલન કરશે. આ સમાચાર પછી, જિયો ફાઇનાન્શિયલ સર્વિસિસના શેરમાં વધારો જોવા મળ્યો છે.
કંપનીએ પોતાના નિવેદનમાં ખુશી વ્યક્ત કરી અને એમ પણ કહ્યું કે સેબીનું આ પગલું અમને ભારતના બચતકારો માટે દેશના સતત વિકાસમાં યોગદાન આપવાની નજીક લઈ જાય છે. JioBlackRock રોકાણ સલાહકારો સાથે, અમે રોકાણકારોને વ્યક્તિગત સલાહ આપી શકીશું. હવે બ્રોકરેજની સાથે, અમે રોકાણકારો માટે એક્ઝિક્યુશન પ્લેટફોર્મ પણ લાવીશું.
JIO Financial Services નો શેર આજે 4 ટકા વધીને રૂ. 325 પર પહોંચી ગયો છે. તેણે એક અઠવાડિયામાં 14 ટકાનું વળતર આપ્યું છે. આ ઉપરાંત, તેણે 1 મહિનામાં 10 ટકા અને 3 મહિનામાં લગભગ 50 ટકાનું વળતર આપ્યું છે. છેલ્લા એક વર્ષ દરમિયાન, આ શેરે રોકાણકારોને 6 ટકાનું નકારાત્મક વળતર પણ આપ્યું છે.
રિલાયન્સ ઇન્ડસ્ટ્રીઝના શેરમાં પણ વધારો જોવા મળી રહ્યો છે. રિલાયન્સ ઇન્ડસ્ટ્રીઝનો શેર આજે 1.58 ટકા વધીને રૂ. 1518 પર પહોંચી ગયો છે. એક મહિનામાં, આ શેરે 6 ટકાથી વધુનું વળતર આપ્યું છે. તે જ સમયે, 3 મહિનામાં 18 ટકા અને 6 મહિનામાં 24 ટકાનો વધારો થયો છે.
Published On - 5:46 pm, Fri, 27 June 25
