Gold: દુબઈને છોડો આ દેશમાં મળે છે દુનિયાનું સૌથી સસ્તુ સોનું !
મોટાભાગના લોકો જ્યારે સોના અંગે વાત કરે ત્યારે એક જ વાત કહે છે કે, સૌથી સસ્તું સોનું દુબઈમાં મળે છે પણ ખરી વાત તો એ છે કે સૌથી સસ્તું સોનું ભારતના પાડોશી દેશમાં મળે છે. હવે આ પાડોશી દેશ કયો અને ત્યાંથી સોનું કેવી રીતે ખરીદવું તેમજ તેના નિયમો શું છે તે અંગે ચાલો જાણીએ.
ભૂટાનમાં સોનું સસ્તું છે અને તેની પાછળ ઘણા કારણો છુપાયેલો છે. સૌથી મહત્વનું કારણ એ છે કે, ભૂટાનમાં સોના પર કોઈ જ ટેક્સ નથી લાગતો. આ ઉપરાંત, ભૂટાનમાં સોનાની આયાત પર ખૂબ જ ઓછી કસ્ટમ ડ્યુટી વસૂલવામાં આવે છે.
ભારત અને ભૂટાનના ચલણો (કરન્સી) વચ્ચે કોઈ ખાસ તફાવત નથી. બસ આ કારણોસર ભૂટાનમાં દુબઈ કરતા સોનું સસ્તું છે. જો કે, ભારતીય નાગરિકોએ ભૂટાનથી સોનું ખરીદવા માટે કેટલાક નિયમોનું પાલન કરવું જોઈએ.
નિયમ અનુસાર, પ્રવાસીઓએ ભૂટાન સરકાર દ્વારા માન્ય હોટલમાં ઓછામાં ઓછી એક રાત રોકાવું જરૂરી છે. બીજું કે, સોનું ફક્ત યુએસ ડોલરમાં જ ખરીદી શકાય છે. આથી ડોલર તમારી સાથે રાખવા જરૂરી છે.
દરેક ભારતીય પ્રવાસીએ દરરોજ 1,200 થી 1,800 રૂપિયા સુધીની 'સસ્ટેનેબલ ડેવલપમેન્ટ ફી' ચૂકવવી પડે છે. સોનું ફક્ત ભૂટાન સરકારના નાણા મંત્રાલય દ્વારા અધિકૃત દુકાનોમાંથી જ ખરીદી શકાય છે.
સોનું ખરીદી કરતી વખતે પાવતી લેવી ફરજિયાત છે, જેથી પાછળથી કોઈ સમસ્યા ન થાય. ભારતીય નાગરિકો એક જ પ્રવાસ દરમિયાન 20 ગ્રામ સુધી ડ્યુટી-ફ્રી સોનું ખરીદી શકે છે.
જો તમે આ નિયમોનું પાલન કરો છો, તો તમે પણ ભૂટાન જઈ શકો છો અને સસ્તા ભાવે સોનું ખરીદી શકો છો.
