GUJARAT : છેલ્લા 5 વર્ષમાં રાજ્યમાં 34,700 નવી કંપનીઓ ખુલી, દેશમાં 8માં ક્રમે રહ્યું ગુજરાત
દેશમાં સૌથી વધુ કંપનીઓમાં ગુજરાત આઠમા નંબરે છે. આ સાથે જ રાજ્યમાં 16,078 કંપનીઓ પણ બંધ થઈ ગઈ છે.
ગુજરાત દેશનું એક એવું રાજ્ય બની રહ્યું છે જ્યાં લોકો માટે રોજગારના માધ્યમો ઝડપથી વધી રહ્યા છે. લોકસભાના ચાલુ શિયાળુ સત્ર દરમિયાન કોર્પોરેટ બાબતોના મંત્રાલય દ્વારા જણાવવામાં આવ્યું છે કે છેલ્લા પાંચ વર્ષમાં ગુજરાતમાં 34,700 થી વધુ નવી કંપનીઓ આવી છે. દેશમાં સૌથી વધુ કંપનીઓમાં ગુજરાત આઠમા નંબરે છે. આ સાથે જ રાજ્યમાં 16,078 કંપનીઓ પણ બંધ થઈ ગઈ છે.
જો કે 1 એપ્રિલ, 2016 અને નવેમ્બર 2021 ની વચ્ચે, મહારાષ્ટ્ર, દિલ્હી, ઉત્તર પ્રદેશ, કર્ણાટક, તમિલનાડુ, તેલંગાણા અને મધ્યપ્રદેશ જેવા રાજ્યોમાં ગુજરાત કરતાં વધુ કંપનીઓ છે. કોર્પોરેટ બાબતોના કેન્દ્રીય રાજ્ય મંત્રી રાવ ઈન્દ્રજીત સિંહે 29 નવેમ્બરના રોજ લોકસભામાં જણાવ્યું હતું કે ડેટા અનુસાર, મહારાષ્ટ્રે સમાન સમયગાળા દરમિયાન લગભગ ત્રણ ગણાથી વધુ 1 લાખ 7 હજાર,825 કંપનીઓને આકર્ષિત કરી છે, જે સૌથી વધુ છે. જો કે, આ સમયગાળા દરમિયાન મહારાષ્ટ્રમાં 81,412 કંપનીઓ પણ બંધ થઈ ગઈ છે.
ગુજરાતમાં પ્રથમ 8 મહિનામાં 5,727 કંપનીઓ નોંધાઈ
આ નાણાકીય વર્ષના પ્રથમ આઠ મહિનામાં ગુજરાતમાં માત્ર 5,727 નવી કંપનીઓ નોંધાઈ છે. કોર્પોરેટ બાબતોના મંત્રાલયનો ડેટા મુખ્યત્વે કંપની એક્ટ 2013, કંપની એક્ટ 1956, લિમિટેડ લાયેબિલિટી પાર્ટનરશિપ એક્ટ, 2008 અને અન્ય સંલગ્ન કાયદાઓના વહીવટ સાથે સંબંધિત છે. જે દેશના વિવિધ રાજ્યોમાં એપ્રિલ 2016 અને નવેમ્બર 2021 વચ્ચે નવી સંસ્થાઓનો પ્રવાહ દર્શાવે છે.
એક વરિષ્ઠ સરકારી અધિકારીએ જણાવ્યું હતું કે મોટાભાગની કંપનીઓએ MCA સાથે નોંધણી કરાવવી પડે છે. જો કે, માલિકીની કંપનીઓ અને કેટલીક ભાગીદારી પેઢીઓ છે, જે MCA હેઠળ નોંધાયેલી નથી. પરંતુ તમામ મર્યાદિત કંપનીઓએ ખાનગી અને મર્યાદિત જવાબદારી કંપનીઓ માટે MCA હેઠળ નોંધણી કરાવવી જરૂરી છે.
મધ્યપ્રદેશ ગુજરાતથી આગળ નીકળી ગયું
MCA સાથે નવી કંપનીઓની નોંધણીના આંકડા દર્શાવે છે કે દિલ્હીમાં 73,480 નવી કંપનીઓ નોંધાઈ છે. જ્યારે ઉત્તર પ્રદેશમાં 71,223 કંપનીઓ, કર્ણાટકમાં 61,134 કંપનીઓ, તમિલનાડુમાં 47,339 કંપનીઓ, તેલંગાણામાં 47,176 કંપનીઓ અને મધ્ય પ્રદેશમાં 37,771 કંપનીઓ નોંધાયેલી છે. આ તમામ રાજ્યો ગુજરાત કરતાં વધુ નવી કંપનીઓને આકર્ષવામાં સફળ રહ્યા છે
આ પણ વાંચો : વધુ બે સરકારી બેંકનું કરાશે ખાનગીકરણ, આગામી સપ્તાહે સંસદમાં રજુ કરાશે બેંકિગ સુધારા બીલ
આ પણ વાંચો : ટુંક સમયમાં ભારતમા સોનાની માંગનો 10 વર્ષનો રેકોર્ડ તુટશે, જાણો કેટલુ ખરીદાય છે સોનુ
