Gold Price Today : સોના – ચાંદીના ચળકાટમાં ઘટાડો થયો, આજે કિંમતી ધાતુઓ કેટલી સસ્તી થઈ?

Gold Price Today : સોના-ચાંદીના રોકાણકારો માટે સારા સમાચાર છે. આજે શરૂઆતના કારોબારમાં વાયદા બજારમાં સોના-ચાંદીના ભાવમાં નરમાશ જોવા મળી રહી છે. અગાઉ છેલ્લા એક સપ્તાહમાં ભાવ 1.3% વધ્યા હતા. સોનાના ભાવમાં સાપ્તાહિક વૃદ્ધિનું આ સતત છઠ્ઠું સપ્તાહ હતું. તે એક મહિનામાં જ લગભગ 10% મોંઘું થયું હતું. જોકે, આજે આંતરરાષ્ટ્રીય બજારમાં સોના અને ચાંદીના ભાવમાં થોડી નરમાશ જોવા મળી છે. સોનું લગભગ 13 ડોલર સસ્તું થયું છે અને 2013 ડોલર પ્રતિ ઔંસ પર ટ્રેડ થઈ રહ્યું છે. એ જ રીતે ચાંદી પણ 25 ડૉલરની નીચે સરકી ગઈ છે. અમેરિકામાં નબળા આર્થિક ડેટાને કારણે પણ સોનાના ભાવને સમર્થન મળ્યું છે. ગ્લોબલ સેન્ટ્રલ બેંકો દ્વારા સોનાની ખરીદી ફેબ્રુઆરીમાં સતત 11મા મહિને ચાલુ રહી હતી. હાલના તબક્કે વધુ નિર્ણયો ડોલર ઇન્ડેક્સ અને યુએસ ફેડના અમેરિકામાં વ્યાજ દરો અંગેના આગામી નિર્ણયો પર રાખવામાં આવશે.

આ પણ વાંચો : Share Market Today : શેરબજારમાં સાપ્તાહિક કારોબારનો તેજી સાથે પ્રારંભ, Sensex 60 હજાર નજીક પહોંચ્યો

સોનું સસ્તું કેમ થયું?

• અમેરિકામાં રોજગાર ડેટાનો અંદાજ
• માર્ચમાં 2.36 લાખ નવી નોકરીઓ ઉમેરવામાં આવી હતી
• બેરોજગારીનો દર 3.6% થી ઘટીને 3.5% થયો
• સારા એમ્પ્લોયમેન્ટ ડેટા પછી દરમાં વધારો થવાનો અંદાજ
• ડોલર ઇન્ડેક્સમાં થોડો વધારો, 102 ની ઉપર

આ પણ વાંચો :  Senex Top -10 : રિલાયન્સના રોકાણકારોને માત્ર એક સપ્તાહમાં 5% રિટર્ન મળ્યું,ટોચની 10 પૈકી 8 કંપનીઓની માર્કેટ કેપમાં 82,169 કરોડનો વધારો

સોનાની સાથે ચાંદીની ચમક પણ ઘટી

સ્થાનિક વાયદા બજારમાં પણ ચાંદીના ભાવમાં નરમાઈ જોવા મળી રહી છે. MCX પર ચાંદીની કિંમત 390 રૂપિયા સસ્તી થઈ છે. ચાંદીની કિંમત 74200 રૂપિયા પ્રતિ કિલોથી નીચે આવી ગઈ છે.

મિસ્ડ કોલ દ્વારા સોનાનો ભાવ જાણો

નોંધનીય છે કે સોનાના દરો તમે ઘરે બેઠા સરળતાથી જાણી શકો છો. આ માટે તમારે આ નંબર 8955664433 પર એક મિસ્ડ કોલ આપવાનો રહેશે અને તમારા ફોન પર એક મેસેજ આવશે, જેમાં તમે લેટેસ્ટ રેટ ચેક કરી શકો છો.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

બિઝનેસના તમામ જિલ્લાના સમાચાર વાંચવા માટે જોડાયેલા રહો…