Gold Price Today : સસ્તું થયું સોનું, જાણો તમારા શહેરની 1 તોલાની કિંમત

આંતરરાષ્ટ્રીય બજારમાં કીમતી ધાતુઓની કિંમતોમાં થયેલા ઘટાડા સાથે દેશમાં સોનુ(Gold Price Today) સસ્તું થઇ રહ્યું છે. HDFC સિક્યોરિટીઝ રિસર્ચ એનાલિસ્ટ (કોમોડિટીઝ) તપન પટેલે જણાવ્યું હતું કે સોમવારે ન્યુયોર્ક સ્થિત કોમોડિટી એક્સચેન્જ કોમેક્સ પર સોનાની હાજર કિંમત એક ટકાથી વધુ ઘટીને $1,933 પ્રતિ ઔંસ થઈ હતી. યુએસ બોન્ડની આવકમાં વધારો અને ડોલર મજબૂત થવાને કારણે સોનાના ભાવ દબાણ હેઠળ હતા. તમને જણાવી દઈએ કે રશિયા અને યુક્રેન વચ્ચે તણાવ, વૈશ્વિક અર્થવ્યવસ્થામાં મંદી અને ઉચ્ચ મોંઘવારીના કારણે સોનાના ભાવમાં ભારે વધારો જોવા મળી શકે છે. રિપોર્ટમાં કહેવામાં આવ્યું છે કે નિષ્ણાતોના મતે આ વર્ષે સોનાની કિંમત 55,000 રૂપિયાના આંકડાને સ્પર્શી શકે છે. આ સાથે આવતા વર્ષે સોનું રૂ. 62,000 સુધી પહોંચી શકે છે.

મિસ્ડ કોલ દ્વારા સોનાનો રેટ જાણો

તમને જણાવી દઈએ કે તમે ઘરે બેઠા સોનાના રેટ સરળતાથી જાણી શકો છો. આ માટે તમારે માત્ર આ નંબર 8955664433 પર મિસ્ડ કોલ આપવો પડશે અને તમારા ફોન પર એક મેસેજ આવશે જેમાં તમે લેટેસ્ટ રેટ ચેક કરી શકો છો. હાલના સમયમાં સતત થઇ રહેલ વધારાથી કિંમત ધ્યાનમાં રહેવી જરૂરી છે.

22 અને 24 કેરેટ વચ્ચે શું તફાવત છે

24 કેરેટ સોનું 99.9% શુદ્ધ છે અને 22 કેરેટ લગભગ 91% શુદ્ધ છે. 22 કેરેટ સોનામાં તાંબુ, ચાંદી, ઝીંક જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું વૈભવી છે પરંતુ તેના ઘરેણાં બનાવી શકાતા નથી. તેથી જ મોટાભાગના દુકાનદારો 22 કેરેટમાં સોનું વેચે છે.

આ રીતે તમે સોનાની શુદ્ધતા ચકાસી શકો છો

તમને જણાવી દઈએ કે હવે જો તમે સોનાની શુદ્ધતા તપાસવી હોય તો આ માટે સરકાર દ્વારા એક એપ બનાવવામાં આવી છે. ‘BIS કેર એપ’ દ્વારા ગ્રાહકો સોનાની શુદ્ધતા ચકાસી શકે છે. આ એપ દ્વારા, તમે માત્ર સોનાની શુદ્ધતા ચકાસી શકતા નથી પણ તમે તેનાથી સંબંધિત કોઈપણ ફરિયાદ પણ કરી શકો છો.

આ પણ વાંચો :  Opening Bell : મજબૂત વૈશ્વિક સંકેત સાથે શેરબજારની સારી શરૂઆત, Sensex અને Nifty માં અડધા ટકાનો પ્રારંભિક કારોબારમાં વધારો

આ પણ વાંચો :  Home loan : હોમ લોન મેળવવામાં મુશ્કેલી પડી રહી છે? આ ઉપાય અજમાવો તો તમને સરળતાથી લોન મળી જશે