Data Patterns IPO : 700 કરોડના IPO માટે ડિફેન્સ કંપનીએ સેબીમાં દસ્તાવેજો દાખલ કર્યા , જાણો વિગતવાર
ડેટા પેટર્ન (ઇન્ડિયા), પ્રારંભિક શેર-વેચાણ દ્વારા રૂ. 600-700 કરોડ એકત્ર કરવા માટે મૂડીબજાર નિયામક સેબી પાસે પ્રારંભિક દસ્તાવેજો દાખલ કર્યા છે. આ કંપની ડિફેન્સ અને એરોસ્પેસ સેક્ટરને ઇલેક્ટ્રોનિક સિસ્ટમો સપ્લાય કરે છે.
સંરક્ષણ ક્ષેત્ર માટે કામ કરતી કંપની ડેટા પેટર્ન ઇન્ડિયા (Data Patterns India) એ તેના IPO માટે SEBI સમક્ષ ડ્રાફ્ટ પેપર ફાઇલ કર્યું છે. કંપની 600-700 કરોડની મૂડી ઉભી કરવા માગે છે. ડેટા પેટર્ન (ઈન્ડિયા) ના પબ્લિક ઈશ્યૂ હેઠળ, 300 કરોડ રૂપિયાના નવા શેરો જારી કરવામાં આવશે જ્યારે હાલના પ્રમોટરો અને શેરધારકો ઓફર ફોર સેલ હેઠળ 60,70,675 ઇક્વિટી શેર વેચશે.
ડેટા પેટર્ન (ઇન્ડિયા), પ્રારંભિક શેર-વેચાણ દ્વારા રૂ. 600-700 કરોડ એકત્ર કરવા માટે મૂડીબજાર નિયામક સેબી પાસે પ્રારંભિક દસ્તાવેજો દાખલ કર્યા છે. આ કંપની ડિફેન્સ અને એરોસ્પેસ સેક્ટરને ઇલેક્ટ્રોનિક સિસ્ટમો સપ્લાય કરે છે. OFS માં શ્રીનિવાસગોપાલન રંગરાજન અને રેખા મૂર્તિ રંગરાજન દ્વારા 19.67 લાખ શેર, સુધીર નાથન દ્વારા 75,000 , જીકે વસુંધરા દ્વારા 4.15 લાખ ઇક્વિટી શેર અને અન્ય હાલના શેરધારકો દ્વારા 16.47 લાખ ઇક્વિટી શેરના વેચાણનું સમાવેશ થાય છે.
ચેન્નઈ સ્થિત ડિફેન્સ ઈલેક્ટ્રોનિક્સ કંપની 60 કરોડ રૂપિયા સુધીના આઈપીઓ પહેલાના પ્લેસમેન્ટ પર વિચાર કરી શકે છે. જો આવી પ્લેસમેન્ટ કરવામાં આવે તો ઉભી થયેલી રકમ ફ્રેશ ઇશ્યૂમાંથી કાપવામાં આવશે. બજારના સૂત્રોના જણાવ્યા અનુસાર ઇનિશિયલ પબ્લિક ઓફરથી (IPO) 600-700 કરોડ એકત્ર કરવાની અપેક્ષા છે.
કંપની નવા ઇશ્યૂની આવકનો ઉપયોગ લોનની ચુકવણી, તેની કાર્યકારી મૂડી માટે ધિરાણ અને સામાન્ય કોર્પોરેટ હેતુઓ ઉપરાંત તેની હાલની સુવિધાઓના અપગ્રેડેશન અને વિસ્તરણ માટે કરવા માંગે છે. કંપનીમાં 12.8 ટકા હિસ્સો ધરાવતી ફ્લોરિન્ટ્રી કેપિટલ પાર્ટનર્સ એલએલપી દ્વારા બ્લેકસ્ટોનના ભૂતપૂર્વ વડા મેથ્યુ સિરિયાક દ્વારા ડેટા પેટર્નને ટેકો આપવામાં કરે છે. શ્રીનિવાસગોપાલન રંગરાજન અને રેખા મૂર્તિ રંગરાજન દ્વારા સ્થાપિત, ડેટા પેટર્ન એક સંકલિત સંરક્ષણ અને એરોસ્પેસ ઇલેક્ટ્રોનિક્સ સોલ્યુશન્સ પ્રોવાઇડર છે જે સ્પેસ, હવા, જમીન અને સમુદ્રમાં જરૂરિયાતોને પૂર્ણ કરે છે.
આ ઉપરાંત, રડાર, અંડરવોટર ઇલેક્ટ્રોનિક્સ/કમ્યુનિકેશન, ઇલેક્ટ્રોનિક વોરફેર સ્યુટ, એવિઓનિક્સ, સ્મોલ સેટેલાઇટ્સ, ઓટોમેટેડ ટેસ્ટ ઇક્વિપમેન્ટ્સ અને તેજસ લાઇટ કોમ્બેટ એરક્રાફ્ટ, લાઇટ યુટિલિટી હેલિકોપ્ટર, બ્રહ્મોસ અને અન્ય કોમ્યુનિકેશન અને ઇલેક્ટ્રોનિક ઇન્ટેલિજન્સ સિસ્ટમ્સને પૂરી પાડતા કાર્યક્રમોમાં કંપનીની ભાગીદારી છે.
ડેટા પેટર્ન હિન્દુસ્તાન એરોનોટિક્સ લિમિટેડ અને ભારત ઇલેક્ટ્રોનિક્સ લિમિટેડ જેવા સંરક્ષણ PSUs તેમજ DRDO જેવી સંરક્ષણ અને અવકાશ સંશોધન સાથે સંકળાયેલી સરકારી સંસ્થાઓ સાથે નજીકથી કામ કરે છે. કંપનીની ઓર્ડર બુક છેલ્લા ચાર વર્ષમાં 40.72 ટકાની CAGR (ચક્રવૃદ્ધિ વાર્ષિક વૃદ્ધિ દર) પર વધી છે અને જુલાઈ 2021 સુધીમાં 582.30 કરોડ રૂપિયા રહી છે.
નાણાકીય વર્ષ 21 માટે કંપનીની કામગીરીમાંથી આવક 226.55 કરોડ રૂપિયા છે જે અગાઉના નાણાકીય વર્ષમાં 160.19 કરોડ રૂપિયા હતી. આ સમયગાળા માટે તેનો ચોખ્ખો નફો 55.57 કરોડ રૂપિયા હતો જે અગાઉના નાણાકીય વર્ષમાં 21.05 કરોડ રૂપિયા હતો. આઇઆઇએફએલ સિક્યોરિટીઝ અને જેએમ ફાઇનાન્સિયલ ઇશ્યૂના બુક રનિંગ લીડ મેનેજર છે.
આ પણ વાંચો : Petrol-Diesel Price Today : પેટ્રોલ અને ડીઝલની કિંમત અંગે આવ્યા આ ચિંતાના સમાચાર, જાણો તમારા શહેરમાં આજે શું છે ભાવ
આ પણ વાંચો : 1 ઓક્ટોબરથી બદલાઈ રહ્યો છે AUTO DEBIT નો નિયમ, દરેક પેમેન્ટ માટે ખાતેદારે પરવાનગી આપવી પડશે