Business Idea : ધંધો જે ₹35,000 થી શરૂ થાય અને આપે ₹75,000 જેટલો નફો
અત્યારના જમાનામાં નોકરીઓમાં કોમ્પિટિશન વધી ગયું છે. હવે જો નોકરી ન મળે અથવા તો નોકરી ન કરવાની ઈચ્છા ન હોય તેવા લોકો પોતાનો બિઝનેસ શરૂ કરવાનું વિચાર કરે છે.
બિઝનેસ શરૂ કરવો હોય તો સૌથી પહેલા મગજમાં એક જ વસ્તુ ક્લિક થાય અને તે છે કે બિઝનેસમાં મૂડીરોકાણ કેટલું હશે? સામન્ય રીતે જોઈએ તો, કોઈ પણ બિઝનેસ શરૂ કરો તો અંદાજિત 2 લાખ કે તેથી વધુનું મૂડીરોકાણ કરવું છે. એવામાં જો તમે સ્ટ્રીટ ફૂડ બિઝનેસ શરૂ કરો છો તો તમને નાની મૂડીએ સારો નફો મળી આવે છે.
તમને પાણી પુરી, ભેળ પુરી અને સેવ પુરી જેવી ચાટ બનાવતા આવડે છે તો તમે પાણી પુરી/ચાટ સ્ટૉલ શરૂ કરી શકો છો. આ ધંધો તમને નાની મૂડીએ સારું એવું વળતર આપી શકે છે.
તમે આ સ્ટ્રીટ ફૂડ બિઝનેસ માત્ર ₹35,000–₹45,000 જેટલા રોકાણમાં શરૂ કરી શકો છો. તમે સ્કૂલ, કોલેજ, બજાર કે રેસિડેન્શિયલ વિસ્તારોમાં સ્ટૉલ મૂકી શકો છો. જો તમે રોજની 150થી વધુ પ્લેટ્સ વેચી શકો છો, તો તમને ₹1,500થી ₹3,000 સુધીનો ચોખ્ખો નફી થઈ શકે છે.
મૂડીરોકાણની વાત કરીએ તો સ્ટૉલ, સ્ટોવ, વાસણ, પાણીની વ્યવસ્થા અને બીજા માલ માટેનો અંદાજે ખર્ચ ₹35,000 જેટલો થાય છે. આ સિવાય તમારે FSSAI લાઈસન્સ, સ્થાનિક મ્યુનિસિપલ પરમિશન અને જરૂર મુજબ GST નંબર લેવાનો રહેશે.
ગ્રાહકનું ધ્યાન ખેંચવા માટે WhatsApp અને Instagram પર મેનૂ શેર કરો. ગ્રાહકોને ‘Buy 1 Get 1’ જેવી સ્કીમો આપો. તમે મેનૂમાં નવા ફ્લેવર્સ, દહીં પુરી, ખમણ, ભેળ જેવી વાનગીઓ ધીરે ધીરે ઉમેરતા રહો.
1 પ્લેટ પર તમે આરામથી ₹10–₹15 જેટલો નફો મેળવી શકો છો. ટૂંકમાં જોઈએ તો, તમે ₹1500–₹3000નો નફો કમાઈ શકો છો. આમ જોઈએ તો, મહિનાનો નફો ₹40,000 થી ₹75,000 જેટલો થાય છે.
Published On - 8:48 pm, Thu, 8 May 25
