દેશમાં તહેવારોની સિઝન સાથે જ રજાઓ પણ શરૂ થઈ ગઈ છે. જો તમારી પાસે આ અઠવાડિયે બેંકો સંબંધિત કોઈ કામ છે તો તમારે તેને ઓનલાઈન પતાવવું પડશે. જો તમારે કોઈ કામ માટે બેંકની શાખામાં જવાની જરૂર છે તો પહેલા રજાઓની સંપૂર્ણ યાદી તપાસીને જ કામનું પ્લાનિંગ કરવું પડશે. ઓગસ્ટનું એક પખવાડિયું પસાર થઇ ગયું છે પણ ઓગસ્ટના બાકીના દિવસોમા હજુ બેંકો ઘણા દિવસ બંધ(Bank Holidays in August 2022) રહેશે. આ રજાઓમાં સાપ્તાહિક રજાઓ અને તહેવારોની રજાઓનો સમાવેશ થાય છે. સપ્તાહનો પ્રારંભ રાષ્ટ્રીય પર્વ સાથે થઇ રહ્યો છે જેની દેશ ભવ્ય ઉજવણી કરી રહ્યો છે.
જો આજથી એટલે કે 15 ઓગસ્ટથી જોવામાં આવે તો બેંકની મહિનાના બીજા પખવાડિયાની રજાઓ શરૂ થઈ ગઈ છે. આજે સપ્તાહનો પહેલો દિવસ સોમવાર પણ છે. 14 ઓગસ્ટે રવિવાર હોવાથી બેંક બંધ રહી હતી. આજે 15 ઓગસ્ટ એ રાષ્ટ્રીય પર્વની રજા છે. તેવી જ રીતે હજુ કુલ આ તહેવારોમાં ઘણા દિવસ બેંક બંધ રહેશે. રિઝર્વ બેંક દરેક નાણાકીય વર્ષમાં બેંકો માટે રજાઓની યાદી નક્કી કરે છે. તે દરેક રાજ્ય માટે અલગ હોઈ શકે છે. આરબીઆઈ બેંકો માટે ત્રણ કેટેગરીમાં રજાઓ શેડ્યૂલ કરે છે. આમાં નેગોશિયેબલ ઇન્સ્ટ્રુમેન્ટ્સ એક્ટની રજાઓ, રીઅલ ટાઇમ ગ્રોસ સેટલમેન્ટ રજાઓ અને બેંક ખાતાની રજાઓ શામેલ છે.
RBIની અધિકૃત વેબસાઇટ પર આપવામાં આવેલ Bank Holidays List 2022 મુજબબીજા અને ચોથા શનિવાર અને રવિવારે સાપ્તાહિક રજા રહેશે. એકંદરે બેંકો આખા ઓગસ્ટ મહિનામાં 17 દિવસ કામ કરશે નહીં. તમને જણાવી દઈએ કે ગ્રાહકો આ સમય દરમિયાન ATM, ઈન્ટરનેટ બેન્કિંગ, નેટ બેન્કિંગ અને અન્ય સેવાઓનો ઉપયોગ કરી શકે છે.