મહારાષ્ટ્રમાં દારૂ પર એક્સાઇઝ ડ્યુટીમાં વધારો, યુનાઇટેડ સ્પિરિટ્સ 6% ઘટ્યા, GM બ્રુઅરીને પાંખો આવી
મહારાષ્ટ્રમાં દારૂ ટૂંક સમયમાં મોંઘો થશે. રાજ્યના મુખ્યમંત્રી દેવેન્દ્ર ફડણવીસના નેતૃત્વમાં મળેલી કેબિનેટ બેઠકમાં દારૂના વેચાણ અને ઉત્પાદનના નિયમોમાં ઘણા ફેરફારો કરવામાં આવ્યા છે. સરકારે દારૂમાંથી થતી આવક વધારવા માટે એક મોટો નિર્ણય લીધો છે.
Maharashtra Liquor Price : મહારાષ્ટ્ર સરકારે ભારતીય અને વિદેશી દારૂ પર એક્સાઇઝ ડ્યુટી વધારી છે. ભારતમાં બનેલા વિદેશી દારૂ પર એક્સાઇઝ ડ્યુટીમાં 50-60 ટકાનો વધારો કરવામાં આવ્યો છે. 2011 પછી એક્સાઇઝમાં આ સૌથી વધુ વધારો છે. ડ્યુટીમાં વધારાને કારણે દારૂના ભાવમાં 30-50 ટકાનો વધારો થયો છે.
દારૂ કંપનીઓના શેર 6 ટકા સુધી ઘટ્યા
બુધવારે શરૂઆતના કારોબારમાં દારૂ કંપનીઓ જીએમ બ્રુઅરીઝ લિમિટેડ (GM Breweries Ltd) અને સુલા વાઇનયાર્ડ્સ (Sula Vineyards) લિમિટેડના શેર 13 ટકા સુધી વધ્યા હતા. મહારાષ્ટ્ર સરકાર દ્વારા ઇન્ડિયન મેડ ફોરેન લિકર (IMFL) પર એક્સાઇઝ ડ્યુટી વધારવાના નિર્ણયને કારણે કંપનીના શેરમાં આ વધારો થયો છે. જો કે યુનાઇટેડ સ્પિરિટ્સ (United Spirits) અને એલાઇડ બ્લેન્ડર્સ (Allied Blenders) જેવી દારૂ કંપનીઓના શેર 6 ટકા સુધી ઘટ્યા છે.
એક્સાઇઝ ડ્યુટી વધારવાનો નિર્ણય
બીજી તરફ મહારાષ્ટ્રમાં બનેલા દારૂ પર ડ્યુટીમાં છૂટને કારણે GM BREWERIES માં જોરદાર વધારો જોવા મળ્યો છે. આજે આ સ્ટોક લગભગ 14 ટકા વધ્યો છે. હવે મહારાષ્ટ્રમાં દારૂ વધુ મોંઘો થશે. મહારાષ્ટ્રમાં દારૂના ભાવ 40 ટકા સુધી મોંઘા થશે. રાજ્ય સરકારે દારૂ પર એક્સાઇઝ ડ્યુટી વધારવાનો નિર્ણય લીધો છે. આનાથી સરકારને 14 હજાર કરોડનો વધારાની રેવન્યૂ મળવાની અપેક્ષા છે.
IMFLના ભાવમાં લગભગ 40 ટકાનો વધારો
ભારતીય બનાવટના વિદેશી દારૂ (IMFL) પર એક્સાઇઝ ડ્યુટી 3 ગણાથી વધારીને કિંમતના 4.5 ગણી કરવામાં આવી છે. ભારતીય બનાવટના વિદેશી દારૂ માટે મહત્તમ મર્યાદા 260 રૂપિયા પ્રતિ બલ્ક લિટર નક્કી કરવામાં આવી છે. ભારતીય દારૂ પર લાગુ ડ્યુટી 180 રૂપિયાથી વધારીને 205 રૂપિયા પ્રતિ પ્રૂફ લિટર કરવામાં આવી છે. આ ફેરફારથી IMFLના ભાવમાં લગભગ 40 ટકાનો વધારો થશે. મહારાષ્ટ્રમાં બનેલા બીયર અને દારૂને આ વધારામાંથી મુક્તિ આપવામાં આવી છે.
ડ્યુટીમાં વધારાને કારણે કંપનીઓના EPS પર દબાણ શક્ય છે
ઉદ્યોગના જથ્થામાં મહારાષ્ટ્ર 10-12 ટકા ફાળો આપે છે. USLના કુલ વેચાણમાં મહારાષ્ટ્રનો હિસ્સો 20-22 ટકા છે. રેડિકોના કુલ વેચાણમાં મહારાષ્ટ્રનો ફાળો 7-8 ટકા છે. ડ્યુટીમાં વધારાથી કંપનીઓના EPS પર દબાણ આવી શકે છે. બજાર નિષ્ણાતો કહે છે કે USLના EPS પર 6-8 ટકા અને રેડિકોના EPS પર 2-3 ટકા અસર થઈ શકે છે. સૂત્રોના જણાવ્યા અનુસાર, બીયર અને વાઇન પર એક્સાઇઝ ડ્યુટી વધશે નહીં.
(નોંધ: દારુ પીવો એ સ્વાસ્થ્ય માટે હાનિકારક છે. Tv9 ગુજરાતી આને પ્રોત્સાહન આપતું નથી.)
