શું તમે હજુ કરી રહ્યા છો FDમાં રોકાણ? તો હવે કરો આ સ્કીમમાં રોકાણ જેમાં મળે છે FD કરતા બમણું વળતર

ગિલ્ટ મ્યુચ્યુઅલ ફંડ (Gilt mutual funds)  અથવા સરકારી સિક્યોરિટીઝમાં રોકાણ કરતી યોજનાઓ રોકાણકારો દ્વારા અનુસરવામાં આવતી નથી જેટલી તે અન્ય કેટલીક દેવાની શ્રેણીઓમાં કરવામાં આવે છે. Valueresearchના ડેટા અનુસાર ઘણા ગિલ્ટ ફંડ્સે છેલ્લા ત્રણ વર્ષમાં ડબલ ડીજીટમાં સારું વળતર આપ્યું છે.

આ સોવરેન દ્વારા જાહેર કરવામાં આવ્યા છે, જેમાં ક્રેડિટ રીસ્ક શૂન્ય હોય છે. જોકે કેટલુંક વ્યાજ દર જોખમી હોઈ શકે છે. અમે તમને ટોચના પાંચ ગિલ્ટ ફંડ્સ વિશે જણાવી રહ્યા છીએ જેમણે છેલ્લા ત્રણ વર્ષ માટે 10.5-11.5 ટકા વાર્ષિક વળતર આપ્યું છે.

આઈડીએફસી (IDFC) ગવર્મેન્ટ સિક્યોરિટીઝ ફંડ: જે છેલ્લા ત્રણ વર્ષમાં ચાર્ટમાં ટોચ પર છે. આ સમયગાળા દરમિયાન તેણે 11.5 ટકા વળતર આપ્યું છે. તે તેના પોર્ટફોલિયોમાં વિવિધ વર્ષોમાં મેચ્યોર થનારી સરકારી સિક્યોરિટીઝ ધરાવે છે. તેની પાસે 1,937 કરોડની સંપત્તિ છે અને તેનો એક્સપેન્સ રેશીયો 1.23 ટકા છે.

ડીએસપી ગવર્મેન્ટ સિક્યોરિટીઝ ફંડ (DSP Government Securities fund): છેલ્લા ત્રણ વર્ષમાં 11.1 ટકા વળતર સાથે યાદીમાં બીજા ક્રમે છે. તે 432 કરોડની સંપત્તિનું સંચાલન કરે છે અને તેનો એક્સપેન્સ રેશીયો 1.05 ટકા છે. IDFC ફંડની તુલનામાં આ પોર્ટફોલિયો પ્રમાણમાં અલગ છે.

એડલવાઈસ સરકારી સિક્યોરિટીઝ ફંડ (Edelweiss Government Securities fund): ટોપ પર્ફોમન્સ કરનારાઓની લીસ્ટમાં ત્રીજા ક્રમાંકે છે. તેણે ત્રણ વર્ષમાં 11.06 ટકા વળતર આપ્યું છે. તે  99 કરોડ રૂપિયાની સંપત્તિનું સંચાલન કરે છે. તેનો એક્સપેન્સ રેશીયો 1.32 ટકા છે. તેના નાના કદને કારણે ફંડ એક કેન્દ્રિત પોર્ટફોલિયોનું સંચાલન કરે છે.

એક્સિસ ગિલ્ટ ફંડ (Axis Gilt fund) : તેણે છેલ્લા ત્રણ વર્ષમાં 10.5 ટકાનું વળતર આપ્યું છે. તે સરકારી સિક્યોરિટીઝ ઉપરાંત ફંડ આરબીઆઈના ટ્રેઝરી બિલ અને રાજ્ય સરકારની લોનમાં પણ રોકાણ કરે છે. તે 147 કરોડની સંપત્તિનું સંચાલન કરે છે. એક્સપેન્સ રેશીયો 1 ટકા છે.

એસબીઆઈ મેગ્નમ ગિલ્ટ ફંડ (SBI Magnum Gilt fund) : તેણે છેલ્લા ત્રણ વર્ષમાં 10.5 ટકા વળતર આપ્યું છે. તે 3,620 કરોડની સંપત્તિ સાથે શ્રેણીમાં સૌથી મોટું છે. એક્સપેન્સ રેશીયો 0.95 ટકા છે. સરકારી સિક્યોરિટીઝ, આરબીઆઈના ટ્રેઝરી બિલ અને રાજ્ય સરકારની લોનમાં રોકાણ સાથે પોર્ટફોલિયો તદ્દન વૈવિધ્યસભર છે.

(નોંધ: આ અહેવાલનો હેતુ ફક્ત તમારા સુધી માહિતી પહોંચાડવાનો છે. આ અહેવાલના આધારે કરેલા રોકાણથી  નફા કે નુક્સાન સાથે અમારા  કોઈ લેવાદેવા રહેશે નહીં. કૃપયા રોકાણ કરતાં પહેલા તમારા આર્થીક સલાહકારની મદદ અવશ્ય લેવી.)

આ પણ વાંચો :  કર્મચારીઓ માટે સારા સમાચાર : કોરોનાના કારણે આર્થિક કટોકટીનો સામનો કરવા છતાં કંપનીઓ કર્મચારીઓને ખુશ રાખશે, 97% કંપની પગાર વધારો આપશે