Breaking News: કોમર્શિયલ LPG સિલિન્ડરના ભાવમાં ₹993નો વધારો, શું ઘરેલુ ગેસ પણ થયો મોંઘો?

દેશમાં 1 મેથી નવા ગેસ સિલિન્ડરના ભાવ અમલમાં આવ્યા છે. મધ્ય પૂર્વના તણાવ વચ્ચે દેશની સરકારી માલિકીની કંપનીઓએ સિલિન્ડરના ભાવમાં વધારો કર્યો છે. કોમર્શિયલ LPG સિલિન્ડરના ભાવમાં આશરે ₹993નો વધારો થયો છે. જે 1 મે 2026થી અમલમાં આવશે. દિલ્હી અને મુંબઈ સહિત દેશના ઘણા શહેરોમાં કોમર્શિયલ LPGના ભાવ હવે ₹3,000ને વટાવી ગયા છે. જોકે ઘરેલુ ગેસ સિલિન્ડરના ભાવમાં હજુ સુધી વધારો કરવામાં આવ્યો નથી.

19 કિલોગ્રામના કોમર્શિયલ સિલિન્ડરના ભાવમાં ₹993નો વધારો થયો છે. આજથી દિલ્હીમાં 19 કિલોગ્રામનો સિલિન્ડર ₹3071.50માં ઉપલબ્ધ થશે. જોકે, ઘરેલુ સિલિન્ડર તેમના પહેલાના ભાવ પર રહેશે. તેમાં કોઈ ફેરફાર કરવામાં આવ્યો નથી.

રાજધાની નવી દિલ્હીમાં ભાવ

રાષ્ટ્રીય રાજધાની નવી દિલ્હીમાં કોમર્શિયલ LPG સિલિન્ડરની કિંમત હવે ₹3071.50 છે, જે પહેલા ₹2078.50 હતી. એટલે કે એક જ એમાં ₹993નો વધારો કરવામાં આવ્યો છે. દરમિયાન ઘરેલુ ગેસ સિલિન્ડર હજુ પણ ₹913માં જ ઉપલબ્ધ છે.

દેશભરના અન્ય શહેરોમાં કિંમતો

આર્થિક રાજધાની મુંબઈમાં કોમર્શિયલ સિલિન્ડરની કિંમત હવે આશરે ₹3024 પર પહોંચી ગઈ છે. જે પહેલા આશરે ₹2031માં ઉપલબ્ધ હતી. તેવી જ રીતે કોલકાતામાં કિંમત આશરે ₹3202 પર પહોંચી ગઈ છે. દક્ષિણ ભારતના મુખ્ય શહેર ચેન્નાઈમાં કોમર્શિયલ સિલિન્ડરની કિંમત આશરે ₹3237 છે. દરમિયાન ઉત્તર પ્રદેશના આગ્રામાં કિંમત ₹3125.50, લખનૌમાં ₹3194 અને ગોરખપુરમાં ₹3255.50 પર પહોંચી ગઈ છે. જોકે રાહતની વાત એ છે કે ઘરેલુ ગેસ સિલિન્ડરના ભાવમાં કોઈ મોટો ફેરફાર થયો નથી અને તે પહેલાના ભાવ પર જ મળી રહ્યો છે.

OTP વગર ડિલિવરી નહીં

આજથી ગેસ ડિલિવરી સંબંધિત નિયમોમાં પણ ફેરફાર કરવામાં આવ્યા છે. 1 મેથી ગેસ સિલિન્ડર ડિલિવરી માટેના નિયમો વધુ કડક બનાવવામાં આવ્યા છે. હવે સિલિન્ડર મેળવતી વખતે ગ્રાહકે તેમના રજિસ્ટર્ડ મોબાઇલ નંબર પર પ્રાપ્ત થયેલ OTP શેર કરવો ફરજિયાત રહેશે. OTP વગર ડિલિવરી માન્ય રહેશે નહીં. જો તમારો મોબાઇલ નંબર અપડેટ ન હોય તો ડિલિવરી કરનાર વ્યક્તિ એપ્લિકેશન દ્વારા તેને સ્થળ પર જ અપડેટ કરી શકે છે.

આ પણ વાંચો: શેરબજાર કરતા પણ વધુ કમાણીની લાલચ? ભારતીયોએ ETFમાં ઠાલવ્યા 1.8 લાખ કરોડ, સોના-ચાંદીમાં રોકાણનો તૂટ્યો રેકોર્ડ!