ધનતેરસ પર ઘરમાં લાવો આ ‘3 શક્તિશાળી યંત્ર’, વર્ષભર રહેશે માતા લક્ષ્મીની ‘અપરંપાર કૃપા’

ધનતેરસનો તહેવાર દીપાવલીના 2 દિવસ પહેલાં મનાવવામાં આવે છે. વર્ષ 2026માં ધનતેરસ 6 નવેમ્બરે છે. આ દિવસે ધનની દેવી માતા લક્ષ્મી, કુબેર દેવ અને ધનવંતરી ભગવાનની પૂજા કરવામાં આવે છે. આ સાથે જ લોકો આ દિવસે આભૂષણો, વાસણો વગેરે પણ ખરીદે છે.

ધાર્મિક માન્યતાઓ અનુસાર, આ દિવસે આભૂષણો અને વાસણોની ખરીદીની સાથે જ તમે યંત્ર પણ ખરીદી શકો છો. યંત્ર ખરીદીને સાંજના પૂજન પછી તેને ઘરમાં સ્થાપિત કરવાથી તમને શુભ ફળોની પ્રાપ્તિ થઈ શકે છે. એવામાં તમે પણ નીચે જણાવેલા યંત્રોમાંથી કોઈ એકને ઘરમાં સ્થાપિત કરીને સુખ-સમૃદ્ધિ પ્રાપ્ત કરી શકો છો.

1. શ્રી યંત્ર: આ યંત્રનો સંબંધ માતા લક્ષ્મી સાથે છે, જે સુખ-સમૃદ્ધિ અને ધન-ધાન્ય આપનારાં છે. શ્રી યંત્રને ધનતેરસના દિવસે જો તમે ઘરમાં સ્થાપિત કરો છો તો તમને આર્થિક ઉન્નતિ પ્રાપ્ત થાય છે અને કરિયરના ક્ષેત્રમાં પણ તમે સુધારો જોઈ શકો છો. ધનતેરસના દિવસે તાંબા, ચાંદી કે સ્ફટિકનું શ્રી યંત્ર તમે ખરીદી શકો છો. પ્રદોષ કાળમાં માતા લક્ષ્મીની પૂજા પછી શ્રી યંત્રને તમે ઘરના મંદિરમાં અથવા તો ઈશાન ખૂણામાં (ઉત્તર-પૂર્વ દિશા) સ્થાપિત કરી શકો છો. યંત્રને સ્થાપિત કરતી વખતે તમારે માતા લક્ષ્મીના મંત્ર ‘ઓમ શ્રીં હ્રીં શ્રીં કમલે પ્રસીદ પ્રસીદ શ્રીં હ્રીં શ્રીં મહાલક્ષ્મ્યૈ નમઃ’ નો ઓછામાં ઓછો 11 વાર જાપ કરવો જોઈએ.
2. ગણેશ યંત્ર: ભગવાન ગણેશને પ્રથમ પૂજનીય અને બુદ્ધિ તથા સિદ્ધિ આપનારા માનવામાં આવે છે. આ સાથે જ ગણેશજીની કૃપાથી વ્યક્તિના જીવનના તમામ વિઘ્નો દૂર થાય છે. ધનતેરસ 2026ના દિવસે સૂર્યાસ્ત પછી કરવામાં આવતી પૂજા દરમિયાન તમે ગણેશ યંત્રને ઘરમાં સ્થાપિત કરી શકો છો. ગણેશ યંત્રને તમે પૂજા સ્થાન પર અથવા તો ઘરના મુખ્ય દ્વાર પર પણ સ્થાપિત કરી શકો છો. ગણેશ યંત્રને સ્થાપિત કરતી વખતે ગણેશજીના મંત્ર ‘ઓમ ગં ગણપતયે નમઃ’ નો 108 વાર જાપ તમારે કરવો જોઈએ. ઘરમાં ગણેશ યંત્ર હોવાથી વિઘ્ન-બાધાઓ દૂર થાય છે, પરિવારના લોકોની બૌદ્ધિક ક્ષમતા વધે છે અને સ્થિર આવકના સ્ત્રોત ખુલે છે. નોકરી અને કારોબારના ક્ષેત્રમાં પણ ગણેશ યંત્રને સ્થાપિત કરવાથી સુખદ પરિણામો મળી શકે છે.
3. કુબેર યંત્ર: કુબેર દેવને દેવતાઓના ખજાનચી માનવામાં આવે છે. શાસ્ત્રો અનુસાર, કુબેર દેવની પૂજા કરવાથી બચત કરેલા ધનમાં વૃદ્ધિ થાય છે. ધનતેરસના શુભ દિવસે તમે કુબેર યંત્રને ઘરમાં સ્થાપિત કરીને આર્થિક લાભ મેળવી શકો છો. ધનતેરસની પૂજા પછી કુબેર યંત્રને તમે ઘરની ઉત્તર દિશામાં સ્થાપિત કરી શકો છો કારણ કે ઉત્તર દિશા એ કુબેર દેવની દિશા માનવામાં આવે છે. આ સાથે જ ઘરની તિજોરીમાં પણ કુબેર યંત્રને સ્થાપિત કરવું શુભ માનવામાં આવ્યું છે. કુબેર યંત્રને ઘરમાં સ્થાપિત કરવાથી કરિયરના ક્ષેત્રમાં પણ તમે ઉન્નતિ મેળવી શકો છો.

(Disclaimer: અહીં આપેલી માહિતી ધાર્મિક આસ્થા અને લોક માન્યતાઓ પર આધારિત છે. આનો કોઈ વૈજ્ઞાનિક પુરાવો નથી.)

સોનાએ આપ્યું 365 % રિટર્ન ! 1 લાખના થયા 4.5 લાખ, ધનતેરસ અને ગોલ્ડનું ગણિત સમજો