હવે તમારૂ બાઈક કે સ્કુટર સ્લિપ નહીં થાય, આ 5 સસ્તી બાઇકમાં લાગશે સેફ્ટી ફીચર
ભારતમાં ખરાબ રસ્તા કે બાઈક-સ્કુટર ચાલકની ભૂલને કારણે સ્લિપ થવાના કિસ્સા બની રહ્યાં છે. જો કે હવે આ સમસ્યાનો કાયમી ઉકેલ શોધી લેવાયો છે. આગામી વર્ષથી દરેક બાઇક અથવા સ્કૂટરમાં એક સેફિટી ફિચર લાગુ પડશે. જે બાઈક - સ્કુટર ચાલકને રોડ ઉપર સ્લિપ થતા અટકાવશે. 1 જાન્યુઆરી, 2026 થી ભારતમાં તમામ ટુ-વ્હીલરમાં ABS એટલે કે એન્ટિ-લોક બ્રેકિંગ સિસ્ટમ ફરજિયાત બની ગઈ છે. એટલે કે, હવે તમને દરેક બાઇક અથવા સ્કૂટરમાં આ સેફ્ટી ફીચર મળશે. જોકે, વાહનોની કિંમત થોડી વધશે.
Hero Xtreme 125R : હીરોની આ સૌથી નાની Xtreme બાઇક હવે રૂપિયા 1 લાખથી થોડી ઉપર છે. પહેલા તેની કિંમત રૂપિયા 99,500 હતી, પરંતુ તાજેતરમાં તેમાં રૂપિયા 1,600નો વધારો થયો છે. તેમ છતાં, તે બજાજ પલ્સર NS125 કરતા ₹5,000 સસ્તી છે. આ હાલમાં ભારતમાં સૌથી સસ્તી ABS બાઇક છે.
બજાજ પલ્સર NS125 : બજાજે તાજેતરમાં આ મોડેલને ABS સાથે અપડેટ કર્યું છે. બેઝ વેરિઅન્ટ રૂપિયા 1 લાખથી શરૂ થાય છે, પરંતુ રૂપિયા 7,000 વધુ કિંમતે, તમને ટોપ વેરિઅન્ટ 'LED BT ABS' મળે છે, જેમાં ABS, ઓલ-LED હેડલાઇટ, ડિજિટલ કન્સોલ અને બ્લૂટૂથ કનેક્ટિવિટીનો સમાવેશ થાય છે. આ પહેલી 125cc પલ્સર છે જેમાં ABS છે.
હીરો એક્સ્ટ્રીમ 160R 2V : આ બાઇક હલકી, ઇંધણ-કાર્યક્ષમ અને આર્થિક માનવામાં આવે છે. રૂપિયા 1.12 લાખની કિંમતે, તે આ યાદીમાં પણ સામેલ છે. ભારતમાં 150-160cc સ્પોર્ટી કોમ્યુટર સેગમેન્ટમાં તે હીરોની નવીનતમ એન્ટ્રી છે. આ મોટરસાઇકલ હવે બંધ કરાયેલી Xtreme Sports ની જગ્યાએ રજૂ કરવામાં આવી છે.
બજાજ પલ્સર 150 : આ ક્લાસિક પલ્સર મોડેલ 20 વર્ષથી વધુ સમયથી બજારમાં છે. નવી પલ્સર NS અને N શ્રેણી હોવા છતાં, તેની ઓળખ અને લોકપ્રિયતા હજુ પણ અકબંધ છે. બજાજ પલ્સર ૧૫૦ ભારતમાં સૌથી વધુ વેચાતી ૧૫૦ સીસી કોમ્યુટર બાઇક્સમાંની એક છે. જૂની હોવા છતાં, આ બાઇક મસ્ક્યુલર સ્ટાઇલ, સારી માઇલેજ અને બજેટ ફ્રેન્ડલી છે.
બજાજ પલ્સર N150 : બજાજ દ્વારા તાજેતરમાં લોન્ચ કરાયેલી આ બાઇકમાં બેઝ વેરિઅન્ટથી જ ડ્યુઅલ-ચેનલ ABS છે. તેમાં LED પ્રોજેક્ટર હેડલાઇટ, ડિજિટલ ડિસ્પ્લે, બ્લૂટૂથ કનેક્ટિવિટી જેવી સુવિધાઓ છે. આ ઓછી કિંમતે આધુનિક દેખાવ અને સલામતી ધરાવતી બાઇક છે. તેની કિંમત રૂપિયા 1.14 લાખથી શરૂ થાય છે.
Published On - 2:55 pm, Thu, 3 July 25
