Holi Tip: શું તમારી કાર પણ હોળીના રંગોમાં રંગાઈ જવાની છે? સાવધાન! પેઇન્ટ બગડે તે પહેલાં કરી લો આ ‘સીક્રેટ’ કામ

રંગોનો તહેવાર હોળી ખુશીઓ અને ઉલ્લાસ લઈને આવે છે. પરંતુ જો સાવચેતી રાખવામાં ન આવે તો હોળીના રંગો અને પાણી તમારી કારની બોડી પર જીદદી ડાઘા પાડી શકે છે. ઘણા લોકોને હોળી પછી કારનો પેઇન્ટ ઝાંખો પડી જવાની ફરિયાદ રહેતી હોય છે. જોકે, થોડી પૂર્વતૈયારી આ સમસ્યાથી બચાવી શકે છે.

શા માટે રંગો કાર માટે નુકસાનકારક છે?

બજારમાં મળતા સિન્થેટિક રંગોમાં કેમિકલ્સ, ધાતુના કણો અને તીવ્ર ડાય હોય છે. જ્યારે આ રંગો સૂર્યપ્રકાશના સંપર્કમાં આવે છે, ત્યારે તે કારના પેઇન્ટ સાથે રિએક્શન કરે છે. પાણી અને રંગોના મિશ્રણને કારણે કારના મેટલના ભાગોમાં કાટ લાગવાની પ્રક્રિયા ઝડપી બને છે અને પેઇન્ટની કુદરતી ચમક ઓછી થઈ જાય છે.

હોળી પહેલા આટલું કરો

• વેક્સ પોલિશ: હોળી પહેલા કાર પર વેક્સ અથવા પેઇન્ટ સીલંટનું એક પડ લગાવો. આનાથી રંગો પેઇન્ટ પર ચોંટશે નહીં અને સરળતાથી નીકળી જશે.
• કાર કવર: બને ત્યાં સુધી કારને કવરથી ઢાંકીને રાખો અથવા કોઈ ગેરેજ કે સુરક્ષિત જગ્યાએ પાર્ક કરો.
• સિલિકોન સ્પ્રે: ડોર હેન્ડલ, મિરર અને બમ્પર પર હળવો સિલિકોન પોલિશ સ્પ્રે કરો, જેથી ત્યાં રંગ જમા ન થાય.

હોળી પછી સફાઈ કેવી રીતે કરવી?

• ઘસીને સાફ ન કરો: કાર પર રંગ પડ્યો હોય તો તેને જોરથી ઘસીને સાફ કરવાની ભૂલ ન કરો, તેનાથી પેઇન્ટ પર સ્ક્રેચ (ખરોચ) પડી શકે છે.
• પાણીનો ઉપયોગ: સૌ પ્રથમ સાદો પાણીનો છંટકાવ કરો જેથી સૂકો રંગ નીકળી જાય. ત્યારબાદ કાર શેમ્પૂ અને સોફ્ટ માઈક્રોફાઈબર કપડાથી સફાઈ કરો.
• ટાયર અને નીચેનો ભાગ: કારના વ્હીલ એરિયા અને નીચેના ભાગને બરાબર સાફ કરો, કારણ કે રંગવાળું પાણી ત્યાં જમા થઈને કાટ લગાડી શકે છે.
• ફાઈનલ ટચ: છેલ્લે પોલિશનું એક પડ લગાવી દેવાથી કારની ખોવાયેલી ચમક પાછી આવશે અને સુરક્ષા પણ મળશે.

થોડીક સાવધાની રાખીને તમે પણ હોળીના પર્વનો આનંદ લઈ શકો છો અને તમારી કારને પણ સુરક્ષિત રાખી શકો છો.

આ પણ વાંચો:

• EV સેક્ટરમાં તેજીના એંધાણ: મોંઘા પેટ્રોલથી બચવા શું લોકો હવે ઇલેક્ટ્રિક વાહનો તરફ વળશે?, વાંચવા માટે અહીં ક્લિક કરો
• ઇલેક્ટ્રિક વાહનોના વેચાણમાં ભારતે રચ્યો ઇતિહાસ ! દેશમાં કુલ EV વેચાણનો આંકડો 60 લાખને પાર!, વાંચવા માટે અહીં ક્લિક કરો