કેન્દ્રીય કેબિનેટે કાપડ ઉદ્યોગ માટે MITRA યોજનાને મંજુરી આપી, દેશમાં 7 મોટા ટેક્ષ્ટાઇલ પાર્ક બનશે

DELHI : કેન્દ્ર સરકારે આજે કાપડ ઉદ્યોગને મોટી ભેટ આપી છે. કેન્દ્રીય કેબીનેટની બેઠકમાં કાપડ ઉદ્યોગ માટે MITRA (Mega Integrated Textile Region and Apparel)યોજનાને મંજુરી આપવામાં આવી છે. આ યોજના અંતર્ગત આગામી 5 વર્ષમાં 4445 કરોડ રૂપિયા ખર્ચ કરવામાં આવશે. આ યોજનાથી ટેક્ષ્ટાઇલ ઉદ્યોગમાં મોટા ફેરફારની અપેક્ષાઓ છે. દેશના વિવિધ રાજ્યોમાં 7 મેગા ઇન્ટીગ્રેટેડ ટેક્ષ્ટાઇલ પાર્ક બનશે. જેનાથી 7 લાખ લોકોને પ્રત્યક્ષ અને 21 લાખ લોકોને અપ્રત્યક્ષ રોજગારી મળશે. આ યોજના અંગે 10 રાજ્યોએ ઈચ્છા દર્શાવી છે. ટેક્ષ્ટાઇલ પાર્ક તૈયાર કરવા માટે લગભગ 1700 કરોડ ખર્ચ કરવામાં આવશે. આ દરેક પાર્ક 1000 એકરમાં બનશે.

PM-Mitra યોજના હેઠળ દેશમાં 7 ટેક્સટાઇલ પાર્ક બનાવવામાં આવશે અને લગભગ 21 લાખ લોકોને આ ટેક્સટાઇલ પાર્કમાંથી પ્રત્યક્ષ અને પરોક્ષ રોજગાર મળશે. તમિલનાડુ, પંજાબ, ઓડિશા, આંધ્રપ્રદેશ, ગુજરાત, રાજસ્થાન, આસામ, કર્ણાટક, મધ્યપ્રદેશ અને તેલંગાણાની સરકારોએ મિત્રા-પાર્ક વિકસાવવામાં રસ દાખવ્યો છે.

કેન્દ્રીય પ્રધાન પિયુષ ગોયલે જણાવ્યું હતું કે અર્થતંત્રના ક્ષેત્રમાં મજબૂત પકડ માટે 5-F ને પકડવાની વાત થઈ હતી. 5-F એટલે ફાઈબર ટુ ફાર્મ, ફાઈબર ટુ ફેક્ટરી, ફેક્ટરી ટુ ફેશન અને ફેશન ફોરેન. આ બધી કડીઓ એકસાથે મૂલ્ય સાંકળને મજબૂત બનાવે છે, પરંતુ હવે તે બધા અલગ છે.

આ પણ વાંચો : CM ભુપેન્દ્ર પટેલે દુબઈ એક્સ્પો-2020માં સંબોધન કર્યું, DHOLERA SIRને વિશ્વફલક પર રજૂ કર્યું, રોકાણકારોને આમંત્રણ આપ્યું

આ પણ વાંચો : AHMEDABAD : મુખ્યપ્રધાન ભુપેન્દ્ર પટેલે ક્રેડાઇ અમદાવાદ ફાઉન્ડેશનનું અનાવરણ કર્યુ, મજૂરવર્ગના કલ્યાણ માટે કામ કરશે આ ફાઉન્ડેશન