Car Accident: તેલંગાણાના હૈદરાબાદમાં (Hyderabad) મંગળવારે સવારે એક મોટી દુર્ધટના બની હતી. આ ઘટનામાં પુર ઝડપે આવી રહેલી કારે ત્રણ મહિલાઓને જોરદાર ટક્કર મારી હતી. આ ઘટના હૈદરાબાદના હૈદરકોટ મેઈન રોડની છે. રસ્તા પર ચાલી રહેલી ત્રણ મહિલાઓ અને એક બાળકને કારે કચડ્યા હતા. આ સમગ્ર ઘટના CCTV માં કેદ થઈ ગઈ હતી. મંગળવારે સવારે ત્રણેય મહિલા હૈદરકોટ મેઈન રોડ પર મોર્નિંગ વોક માટે નીકળી હતી.
આ પણ વાંચો : BJP Mission 2024: તેલંગાણામાં જી કિશન રેડ્ડી અને પંજાબમાં સુનીલ જાખડ, ભાજપે 4 રાજ્યમાં બદલ્યા પ્રદેશ પ્રમુખ
મહિલાનું નામ અનુરાધા અને તેની પુત્રીનું નામ મમતા જણાવવામાં આવી રહ્યુ છે. આ ઉપરાંત અન્ય મહિલા કવિતા અને એક બાળક ઘાયલ થયા હોવાના સમાચાર છે. આ બન્નેને હોસ્પિટલમાં સારવાર માટે દાખલ કરવામાં આવ્યા છે. સ્થાનિકોના જણાવ્યું કે કાર ખૂબ જ ઝડપે ચલાવવામાં આવી રહી હતી, જેના કારણે આ દુર્ધટના બની હતી. ટક્કર માર્યા બાદ કાર રસ્તા પરથી એક ઝાડ સાથે અથડાઈ હતી અને કાર ચાલક ત્યાથી ભાગી ગયો હતો.
દેશના તમામ સમાચાર વાંચવા માટે અહીં ક્લિક કરો