વલસાડમાં સિટી બસના ડ્રાઈવરોની બબાલમાં સિટી બસ સેવા ખોરવાઈ હોવાની ઘટના સામે આવી છે. તો દારુના નશામાં બસના બે ડ્રાઈવરોએ ધમાલ મચાવી હોવાનું સામે આવ્યુ છે. તો સિટી બસના અન્ય એક ડ્રાઈવરને માર માર્યાનો પણ આક્ષેપ લગાવવામાં આવ્યો છે. આ સાથે જ તમામ બસોની ચાવી ડ્રાઈવર લઈને ફરાર થયો હતો.
તો દારુના નશામાં ધૂત બસ ડ્રાઈવરે ફરજ મુક્ત કરાતા આ પ્રકારનું કારસ્તાન રચ્યુ હોવાની માહિતી મળી છે. તો તમામ બસોની ચાવી લઈને ફરાર થઈ જતા સિટી બસ સેવા ખોરવાઈ હતી. જેના પગલે સંચાલકે વલસાડ પોલીસ સ્ટેશનમાં ફરિયાદ નોંધાવી છે.
તો બીજી તરફ વડોદરામાં PCBએ ગેસના ટેન્કરમાંથી ઝડપેલા દારૂના કેસમાં પકડાયેલા દારૂની કિંમત પહોંચી 50 લાખને પાર પહોંચી છે. તો રાજસ્થાનના બાડમેરના વતની ડ્રાઈવર મેઘારામ જાટની ધરપકડ કરવામાં આવી છે. દારૂનો જંગી જથ્થો ફિલ્મી ઢબે ટેન્કરમાં છુપાવીને સુરેન્દ્રનગર લઈ જવાતો હોવાનું સામે આવ્યુ હતુ.