Gir Somnath : ગીર સોમનાથના સમઢિયાળા ગામના રહેણાંક વિસ્તારમાં મોડી રાતે બે સિંહ (Lion) ઘુસ્યા હતા. જે બાદ ગામના પાદરેથી ત્રણ ગાયોએ સિંહની પાછળ દોટ મૂકી હતી. તેથી બંને સિંહ ભાગી ગયા હતા. ગામ પાસે આવેલા ઉના-ખાંભા હાઇવે સુધી ગાયો સિંહ પાછળ દોડી હતી. જો કે, બાદમાં બંને સિંહોએ એક ગાય પર હુમલો કરીને તેનું મારણ કર્યું હતું.
સમગ્ર ઘટના CCTV કેમેરામાં કેદ થઇ હતી. વીડિયોમાં જોઇ શકાય છે, મોડી રાતે બે સિંહ ગામમાં પ્રવેશ કરે છે, જે બાદ ત્રણ ગાયો તેમની પાછળ દોડે છે. જો કે ગામના લોકો પણ ઘટના બાદ એકત્ર થઇ ગયા હતા. ઘટના બાદ સ્થાનિકોમાં ભયનો માહોલ છવાયો છે.