Surat Video : વિશ્વની સૌથી મોટી બિલ્ડીંગ Surat Diamond Bourse ઉદ્ઘાટન માટે તૈયાર, દશેરાએ શાસ્ત્રોક્ત વિધિવિધાનથી કુંભ ઘડાનું સ્થાપન કરાશે

Surat : વિશ્વની સૌથી મોટી ઓફિસ બિલ્ડિંગની વાત કરીએ તો અમેરિકાના પેન્ટાગોન(Pentagon)નું નામ ધ્યાને આવે છે. અમેરિકાના ડિફેન્સ ડિપાર્ટમેન્ટનું આ હેડક્વાર્ટર(Headquarters Building of United States Department of Defense) ખુબ વિશાળ છે. જોકે હવે ભારતે પેન્ટાગોન પાસેથી આ ખિતાબ છીનવી લીધો છે.

4 વર્ષમાં બનેલ સુરતમાં સૌથી મોટા ડાયમંડ એક્સચેન્જ(Surat Diamond Bourse) એઅમેરિકાના પેન્ટાગોન કરતા અનેક ગણી મોટી ઓફિસ બિલ્ડીંગ બનાવી છે. સુરતની આ ઓફિસ હવે વિશ્વની સૌથી મોટી ઈમારત(The World’s Largest Building) બની ગઈ છે. અહેવાલો અનુસાર વડા પ્રધાન નરેન્દ્ર મોદી(PM Narendra Modi) ચાલુ વર્ષના અંતમાં આ બિલ્ડિંગનું ઉદ્ઘાટન કરશે.વિજયા દશમી(Vijaya Dashmi)ના દિવસે ડાયમંડ બુર્સ(Surat Diamond Bourse)માં ઓફિસ ધરાવતા કુલ સેંકડો નાના મોટા ઉદ્યોગકારો તેમના પરિવાર સાથે પોતાની ઓફિસમાં શાસ્ત્રોક્ત વિધિવિધાન સાથે કુંભ ઘડાનું સ્થાપન કરી ઐતિહાસિક પળનું સર્જન કરશે.

સુરતને વિશ્વની રત્ન રાજધાની કહેવામાં આવે છે.

સુરતનું નામ તેના હીરા ઉદ્યોગના કારણે વિશ્વભરમાં જાણીતું છે. સુરતને વિશ્વની રત્ન રાજધાની પણ કહેવામાં આવે છે કારણ કે વિશ્વના 90 ટકા હીરા અહીં ઘડવામાં આવે છે. સુરતમાં બનાવવામાં આવેલા આ વિશેષ કાર્યાલય વિશે વાત કરીએ તો, તેમાં હજારો Diamond Professionals એકસાથે કામ કરી શકશે.તેને હીરા માટે વન સ્ટોપ ડેસ્ટિનેશન(One Stop Destination for Diamonds) તરીકે ડિઝાઇન કરવામાં આવ્યું છે.

બિલ્ડિંગની વિશેષતાઓ

આ 15 માળની ઇમારત કુલ 35 એકર વિસ્તારમાં બનાવવામાં આવી છે. આ ઓફિસ નવ લંબચોરસ બિલ્ડીંગનું ક્લસ્ટર છે. બિલ્ડિંગમાં કુલ 131 લિફ્ટ મુકવામાં આવી છે.SDB એટલે કે સુરત ડાયમંડ બોર્સ એ એક નફાકારક એક્સચેન્જ છે જે કંપની એક્ટ 2013ની કલમ 8 હેઠળ નોંધાયેલ છે. આ ઈમારતને બનાવવામાં 4 વર્ષ લાગ્યા હતા. રિપોર્ટ અનુસાર આ પ્રોજેક્ટનો કુલ ખર્ચ લગભગ 32 અબજ રૂપિયા છે.