ગુજરાતના પૂર્વ IPS ઓફિસર સંજીવ ભટ્ટને કોર્ટે 28 વર્ષ જૂના ડ્રગ કેસમાં 27 માર્ચે દોષિત ઠેરવ્યા હતા. ત્યારે આ કેસમાં પાલનપુરની બીજી એડિશનલ સેશન્સ કોર્ટે આજે સંજીવ ભટ્ટને 20 વર્ષની સખત કેદની સજા અને 2 લાખનો દંડ ફટકાર્યો છે. પોલીસ જાપ્તા હેઠળ સંજીવ ભટ્ટને પાલનપુર સબ જેલમાં લઇ જવાશે. NDPS એક્ટ હેઠળ સંજીવ ભટ્ટ વિરુદ્ધ વર્ષ 1996માં કેસ નોંધવામાં આવ્યો હતો.
આ ડ્રગ કેસ લગભગ 28 વર્ષ જૂનો છે. સંજીવ ભટ્ટ તે સમયે ગુજરાતના બનાસકાંઠા જિલ્લાના SP હતા. તેમના પર પાલનપુરની એક હોટલમાં ખોટી રીતે અફીણનો જથ્થો મુકી રાજસ્થાનના વકીલને નાર્કોટિક્સના કેસમાં ખોટી રીતે ફસાવવાનો આરોપ હતો. આ કેસમાં કોર્ટે દોષિત ઠેરવ્યા બાદ આજે સજા સંભળાવવામાં આવી હતી.