દ્વારકાના ગોમતી ઘાટ પર ફરી જોવા મળ્યા જોખમી દ્રશ્યો સામે આવ્યા છે. ગોમતી ઘાટમાં ઊંટ પર લોકોને જીવના જોખમે સવારી કરાવાઇ હોવાના દ્રશ્યો સામે આવ્યા છે. 3 જેટલા ઊંટ પર પ્રવાસીઓને બેસાડીને જીવના જોખમે સવારી કરી હતી. ગોમતી નદીમાં ઊંટના પગ ડૂબી જાય તેટલું પાણી હોવા છતા જોખમી સવારી કરી હતી.
જો ઊંટ પડે તો ઉપર બેસેલા લોકો ડૂબી જાય તેવી પણ ભીતિ હતી. ગોમતી ઘાટ પર ફક્ત નામનો જ પોલીસ બંદોબસ્ત હોય તેવુ લાગી રહ્યું છે. આ અગાઉ પણ જોખમી સવારીના દ્રશ્યો સામે આવ્યા હતાં. અવારનવાર જોખમી સવારીના વીડિયો આવતા અનેક સવાલો ઉત્પન્ન થાય છે.
થોડા દિવસ અગાઉ દ્વારકાના સુદર્શન સેતુની સુરક્ષા સામે સવાલ સર્જતી ઘટના બની હતી.અજાણ્યા યુવકોએ સુદર્શન સેતુ પર મુકવામાં આવેલી કન્સ્ટ્રક્શન લિફ્ટ પર ચડીને વીડિયો બનાવ્યો હોવાની ઘટના સામે આવી હતી. સેતુના લોકાર્પણ પહેલા પણ આ પ્રકારનો વીડિયો વાયરલ થયો હતો.
Published On - 3:25 pm, Sat, 9 March 24