પાટણમાં રાજ્યસભાના સાંસદ સભ્ય બાબુભાઈ દેસાઈનો સન્માન સમારોહ યોજાયો હતો. રાજ્યસભા માટે ભાજપ તરફથી બાબુભાઈ દેસાઈની પસંદગી કરવામાં આવી હતી. આમ બક્ષીપંચ સમાજમાંથી આવતા બાબુભાઈને સાંસદસભ્ય તરીકે તક મળી છે. જેને લઈ તેમનો સન્માન સમારોહ યોજવામાં આવ્યો હતો. સન્માન સમારોહમાં રાજ્યના મુખ્યપ્રધાન ભૂપેન્દ્રપટેલ વિશેષ ઉપસ્થિત રહ્યા હતા. આ ઉપરાંત રાજ્ય સરકારના પ્રધાન, ધારાસભ્યો અને પૂર્વ પ્રધાન સહિત સ્થાનિક ઉત્તર ગુજરાતના આગેવાનો મોટી સંખ્યામાં ઉપસ્થિત રહ્યા હતા.
મુખ્યપ્રધાન ભૂપેન્દ્ર પટેલે ઉત્તર ગુજરાતમાં હોવાને લઈ વડાપ્રધાન નરેન્દ્ર મોદીને વિશેષ યાદ આજના દિવસે કર્યા હતા. વડાપ્રધાન નરેન્દ્ર મોદીની રાજ્યમાં મુખ્યપ્રધાન કાળના સાશનની યાદ અપાવી હતી. નરેન્દ્ર મોદીએ આજના દીવસે જ 2001 માં મુખ્યપ્રધાન પદ સંભાળ્યુ હતુ. જે વાતને 22 વર્ષ પૂર્ણ થઈ ચૂક્યા છે. ઉત્તર ગુજરાતમાંથી બક્ષીપંચ સમાજના લોકો મોટી સંખ્યામાં ઉપસ્થિત રહીને કાર્યક્રમને સફળ બનાવ્યો હતો.
Published On - 6:39 pm, Sat, 7 October 23