ફડચામાં ગયેલી બેન્કના થાપણદારોની વ્હારે MLA ગોવિંદ પટેલ, ધારાસભ્યએ અમિત શાહ સાથે કરી મુલાકાત
હાલમાં બેન્ક પાસે પૈસા પણ છે અને બેન્કની ઘણી મોટી મિલકતો પણ છે.જેથી આ અંગે કોઈ નિર્ણય થાય તો રોકાણકારોને (Bank Investor) તેમના નાણા પરત મળી શકે તેમ છે.
રાજકોટના ધારાસભ્ય ગોવિંદ પટેલે (MLA govind Patel) કેન્દ્રીય ગૃહપ્રધાન અમિત શાહ (Amit Shah) સાથે મુલાકાત કરી છે. તેમણે અમિત શાહ સમક્ષ ગુજરાત ઈન્ડસ્ટ્રીયલ કો-ઓપરેટીવ બેન્કના (Gujarat Indutrial co-opreative bank)રોકાણકારોની વ્યથા રજૂ કરી છે. ગોવિંદ પટેલે અમિત શાહને જણાવ્યું છે કે, ગુજરાત ઈન્ડસ્ટ્રીયલ કો-ઓપરેટીવ બેન્ક ફડચામાં ગયેલી છે. તેમાં અનેક નાના રોકાણકારોની ડિપોઝિટ (Bank Deposit) ફસાયેલી છે.સરકારે આવી ફડચામાં આવી ગયેલી બેન્કના એક લાખ સુધીના રોકાણકારો બાબતે અગાઉ નિર્ણય કરેલો છે અને તેમને નાણા પણ મળી ગયા છે. પરંતુ જેમની ડિપોઝિટ એક લાખ કરતા વધુ છે તેવા હજારો રોકાણકારોના (investor) નાણા તેમને પરત મળ્યા નથી.હાલમાં બેન્ક પાસે પૈસા પણ છે અને બેન્કની ઘણી મોટી મિલકતો પણ છે.જેથી આ અંગે કોઈ નિર્ણય થાય તો રોકાણકારોને તેમના નાણા પરત મળી શકે તેમ છે.
ઓડિટોરિયમ અને ઓવરબ્રિજ બનાવવા માટે 20 કરોડની માંગ !
તમને જણાવી દઈએ કે, આ અગાઉ MLA ગોવિંદ પટેલે CM ભુપેન્દ્ર પટેલને પત્ર લખી પોતાના મતવિસ્તારમાં ઓડિટોરિયમ અને ઓવરબ્રિજ બનાવવા માટે 20 કરોડની માંગ કરી હતી. આ અંગે તેમણે જણાવ્યું હતું કે, રાજકોટ ઇસ્ટ અને વેસ્ટમાં રાજ્ય સરકાર મારફતે ઓડીટોરીયમ બનેલ છે. જેનો લાભ શાળા કોલેજો અને સંસ્કૃતિક કાર્યક્રમોમાં લેવાઈ રહ્યો છે. હવે એ જ રીતે શહેરના દક્ષિણ ભાગમાં આવો જ એક ઓડીટોરીયમ બને તો તેનો લાભ કોઠારિયા,વાવડી અને દક્ષિણ વિસ્તારના લોકોને મળશે. સાથે જ જો ઢેબર કોલોથી માલવીયા કોલેજ સુધી ઓવરબ્રિજ બનવવામાં આવે તો ટ્રાફિક સમસ્યામાં રાહત થશે.