આધુનિક અને DJના યુગમાં (Modern era) આજે પણ સંસ્કૃતિ અને પરંપરા જળવાઇ રહી છે. DJના તાલ વગર ખેલૈયાના પગ નથી થનગનતા. ત્યાં પારંપરિક એવા ઢોલક, તબલા અને મંજીરાના તાલે મંડળી દ્વારા ગવાતા ગરબા (Garba) અને લોકગીતો આજે પણ પોતાનુ ન માત્ર અસ્તિત્વ ટકાવી રહ્યા છે પરંતુ આકર્ષણનું કેન્દ્ર બન્યા છે. વાત છે પાટણની (patan) જ્યાં ગુર્જરવાડા વિસ્તારના ચોકમાં પારંપરિક ગરબા નવરાત્રીના(navratri) પ્રથમ દિવસે જ આકર્ષણનું કેન્દ્ર બન્યા.
દોરી ગરબો એ સામાજિક એકતાની ગૂંથણી છે. દોરી ગરબો રમવો એ એક આવડતભરી કળા છે, જેમાં ચાલુ ગરબે ખેલૈયાઓ બદલાતા પણ હોય છે. આખો ગરબો રમાય ત્યાં સુધીમાં દોરી છેક નીચે સુધી ગુંથાઈને એક સુંદર ગૂંથણી તૈયાર થઈ જાય છે. આમ, ભાતિગળ પદ્ધતિથી તાલબદ્ધ રીતે રમાતો દોરી ગરબો એ આપણાં સાંસ્કૃતિક વારસા સમાન છે.
ગુજરાતની આગવી સંસ્કૃતિ, આગવી ઓળખ સમા નવરાત્રી પર્વનો (Navratri festival) પ્રારંભ થયો છે. નવરાત્રીના પર્વને લઈને ગરબા પ્રેમીઓમાં અનેરો ઉત્સાહ જોવા મળી રહ્યો છે. ત્યારે અમદાવાદના GMDC ગ્રાઉન્ડમાં ગુજરાત પ્રવાસન નિગમ લિમિટેડ દ્વારા નવરાત્રી મહોત્સવનું આયોજન કરવામાં આવ્યું છે. મુખ્યપ્રધાન ભૂપેન્દ્ર પટેલે દિપ પ્રગટાવીને નવરાત્રી મહોત્સવનો શુભારંભ કરાવ્યો. આ વખતે GMDC ગ્રાઉન્ડમાં થીમ પેવેલિયન, ક્રાફ્ટ બજાર, આનંદ નગરી, બાળનગરી, ફુડ સ્ટોલ જોવા મળશે.