જુનાગઢ: સોમનાથના ધારાસભ્ય વિમલ ચુડાસમાએ પોલીસ સ્ટેશનમાં આપેલી એક અરજીથી જુનાગઢ જિલ્લાના રાજકારણમાં હડકંપ મચી ગયો છે. વાત જાણે એમ છે કે સોમનાથના ધારાસભ્ય વિમલ ચુડાસમાએ પોલીસમાં એક ફરિયાદની અરજી આપી છે. આ અરજીમાં ધારાસભ્યએ તેમના પરિવાર પર હુમલો થવાની ભીતિ વ્યક્ત કરી છે અને પોતાના અને પરિવાર પર જીવનું જોખમ હોવાનુ જણાવ્યુ છે. વિમલ ચુડાસમાએ આક્ષેપ કર્યો છે કે મોહન ચુડાસમાએ તેમને ફોન પર ધમકી આપી છે.
આ ધમકી આપનાર મોહન ચુડાસમા સાંસદના કાકા હોવાનો પણ લેખિત અરજીમાં ઉલ્લેખ કરાયો છે. આટલુ જ નહીં તેમણે એ પણ આક્ષેપ કર્યો છે કે સાંસદ રાજેશ ચુડાસમા સહિતના પરિવારજનો પર હુમલો કરી શકે છે.
હાલ તો ધારાસભ્યની આ અરજીથી જુનાગઢ અને ગીરસોમનાથ જિલ્લાના રાજકારણમાં ગરમાવો આવી ગયો છે. અરજી કરનાર ધારાસભ્ય વિમલ ચુડાસમાએ લેખિત ફરિયાદની નકલ મુખ્યમંત્રી અને ગૃહરાજ્યમંત્રીને પણ મોકલી છે. ત્યારે હાઈકમાન સુધી પણ તેની નોંધ લેવાઈ છે. આપને એ પણ જણાવી દઈએ કે ગીરસોમનાથના નામાંકિત ડૉ અતુલ ચગની આત્મહત્યા કેસમાં પણ સાંસદ રાજેશ ચુડાસમા અને તેમના પિતાનું નામ પણ સામે આવ્યુ હતુ. ત્યા વધુ એક ફરિયાદ સાંસદ રાજેશ ચુડાસમા સામે થઈ છે.
Input Credit Vijaysinh Parmar- Junagadh
જુનાગઢ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો