Jamnagar: જામનગરની 17 વર્ષની સગીરાને પરપ્રાંતિય વિધર્મી યુવક દ્વારા લગ્નની લાલચ આપીને આસામ લઇ જવાના પ્રયાસની ઘટના સામે આવી છે. ઘટનાની વાત કરીએ તો જામનગરના શંકર ટેકરી વિસ્તારમાં રહેતી 17 વર્ષની સગીરા આસામના 23 વર્ષીય જેહરૂલ અલી નામના યુવક સાથે ફેસબુકના માધ્યમથી સંપર્કમાં આવી હતી. આસામનો યુવક જામનગરની સગીરાને પોતાની સાથે આસામ લઇ જવાના ઉદ્દેશ્યથી જામનગર આવ્યો હતો. સગીરા ગુમ થતા તેના પરિવારે આ મામલે પોલીસને જાણ કરી હતી. બાદમાં જામનગર પોલીસે મોબાઇલ સર્વેલન્સના આધારે તપાસ કરી વડોદરા રેલવે પોલીસની મદદથી આરોપી યુવક અને સગીરાને ઝડપી કાયદેસરની કાર્યવાહી હાથ ધરી છે. આરોપી યુવક વિધર્મી હોવાથી પોલીસ લવજેહાદના એંગલથી પણ તપાસ કરી રહી છે.
સાંસદ પૂનમ માડમે કલેક્ટરનો ઉધડો લીધો હતો. મુખ્યપ્રધાન ભુપેન્દ્ર પટેલની સામે જ પૂનમ માડમે કલેક્ટરને ખખડાવ્યા હતા. કાર્યક્રમમાં ત્રણ પ્રધાનો સિવાય કોઈનું સ્વાગત નહીં કરાતા પૂનમ માડમ નારાજ થયા હતા. જેને લઈને સાંસદ પૂનમ માડમે ચાલુ કાર્યક્રમમાં કલેક્ટરને ખખડાવ્યા હતા. CM ભુપેન્દ્ર પટેલ અને પૂનમ માડમની સામે બચાવની મુદ્રામાં કલેક્ટર ઉભા રહ્યા હતા.