Gujarati Video: રાજ્યભરમાં માવઠાએ વધારી ખેડૂતોની ચિંતા, જુનાગઢમાં કમોસમી વરસાદમાં 15000 કેરીના બોક્સને વ્યાપક નુકસાન
Junagadh: રાજ્યભરમાં માવઠાએ ખેડૂતોની ચિંતા વધારી છે. જુનાગઢમાં કમોસમી વરસાદમાં 15000 કેરીના બોક્સ પલળી જતા વ્યાપક નુકસાન પહોંચ્યુ છે. કેરીના બોક્સ પલળી જતા કેરીના ઢગલા થયા છે.
રાજ્યભરમાં કમોસમી વરસાદથી ભારે નુકસાનની સ્થિતિ છે. જુનાગઢમાં માવઠાએ ખેડૂતોની ચિંતા વધારી છે. જુનાગઢમાં પડેલા કમોસમી વરસાદમાં માર્કેટિંગ યાર્ડમાં રહેલા 15000 કેરીના બોક્સને ભારે નુકસાન થયુ છે. કેરીના બોક્સ પલળતા કેરીના ઢગલા થયા છે. ચાલુ વરસાદમાં યાર્ડમાં હરાજી શરૂ રહેતા ઈજારેદારોનો લાખો રૂપિયાની નુકસાની વેઠવાનો વારો આવ્યો છે. ચીકુ, રાવણા, તલ સહિતના પાકને પણ ભારે નુકસાન થયુ છે. ખેડૂતોએ નુકસાનીનો સર્વે કરી સહાય આપવા સરકાર પાસે માગ કરી છે.
રાજ્યમાં માવઠાનો માર હજુ પણ યથાવત રહેશે. હવામાન વિભાગે ફરી ગુજરાતમાં કમોસમી વરસાદ થવાની આગાહી કરી છે. એક તરફ ગુજરાતમાં મોડી રાતથી ગાજવીજ સાથે અનેક વિસ્તારમાં વરસાદ વરસી રહ્યો છે. ત્યાં બીજી તરફ હવામાન વિભાગે વરસાદને લઈને ફરી આગાહી કરી છે. આગામી 4 દિવસ વરસાદની આગાહી કરવામાં આવી છે.
આ પણ વાંચો: Gujarati Video: જુનાગઢના વંથલી સહિત ગ્રામ્ય વિસ્તારમાં કમોસમી વરસાદ, કેરીના પાકને નુકસાનની ભીતિ
હવામાન વિભાગે કરેલી આગાહી મુજબ ગુજરાતના અનેક વિસ્તારમાં વરસાદી માહોલ જોવા મળ્યો છે. ગુજરાતમાં અમદાવાદ, સાબરકાંઠાના હિંમતનગર, રાજકોટના જેતપુર અને ગોંડલ, જુનાગઢ સહિતના અનેક વિસ્તારમાં કમોસમી વરસાદ વરસ્યો છે. હવામાન વિભાગે સૌરાષ્ટ્ર- કચ્છ તેમજ ઉત્તર-મધ્ય ગુજરાતમાં વરસાદની આગાહી કરી હતી. જે મુજબ ગુજરાતમાં વરસાદ વરસી રહ્યો છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દેશ ના તમામ જિલ્લાના સમાચાર વાંચવા માટે જોડાયેલા રહો…