મોડાસા શહેરમાં રખડતા શ્વાનોએ સ્થાનિકોને પરેશાન કરી દીધા છે. શહેરના ગરીબ નવાઝ સોસાયટી અને આશિયાના સોસાયટી વિસ્તારમાં શ્વાને આતંક મચાવ્યો છે. વિસ્તારમાં 9 લોકોને છેલ્લા ચોવીસ કલાક દરમિયાન બચકાં ભર્યા હોવાનું સામે આવ્યુ છે. ઇજાગ્રસ્તોને સ્થાનિક સાર્વજનિક હોસ્પિટલમાં સારવાર આપવામાં આવી છે.
ગરીબ નવાઝ સોસાયટી વિસ્તારમાં 6 લોકો અને આશિયાના સોસાયટી વિસ્તારમાં 3 લોકોને છેલ્લા 24 કલાક દરમિયાન શ્વાને બચકાં ભર્યા છે. ચોવીસ કલાકમાં જ 9 લોકોને શ્વાને બચકાં ભરવાની ઘટનાને લઈ વિસ્તારમાં શ્વાનને લઈ ફફડાટ વ્યાપી ગયો છે. સ્થાનિકોએ શ્વાનને પકડવા માટે પાલિકાને રજૂઆત કરી છે.